Ole faalavelave tau taavale lea na tupu ile tuaoi o Sapunaoa ma Satalo, faapea na alu ai lava le taavale ma avatu ai le faifeau tala’i na savali ile auala.
Ile molimau ale tamā mai Sapunaoa, “Ole avetaavale ole Satalo, faatoa foi mai Ausetalia, e talavou lava le alii ae na molimauina le fealuai o Arona ile Aso Sa ile taavale lea.
Ole molimau ale tamā mai Sapunaoa, na maliu ai lava i tuā le faifeau. Molimauina le aafia ole pa ale aiga i tafāala, ae ole faifeau tala’i, Elder Aaron Patiole, ole Samoa mai Ausetalia sa nofo ile Epikopo i Malaemalu. Ae ole taavale e oo mai lava ile taeao ole Aso Gafua, oloo taatia ai lava ile mea na lavea ai.
Tifa le taavale i lalo ole auala laupapa
E le gata ina saosaoa, ae oloo masalomia le faasua’ava, ae na motusia ai ma le uila ile faitau fia afe o tagata, sipaka ai ma le tagata na alu atu e matamata, alu ai ma le taimi o fuimu, leoleo, falemai, ma tupe ale au totogi lafoga e toe faaleleia mea na aafia, pei ole pa ole paipa, ae ole soifua lamatia o tagata feoai ile auala, faapea lona ia lava soifua, le alii avetaavale. E malama ane le taeao ole Aso Sa ua toe tu le poumoli fou ma toe ola le eletise i aiga na aafia ile itu atu i Sasa’e ole taulaga.
Ole avetaavale, na ave ai lava ile afiafi ole Aso Toonai ile falemai i Motootua mo togafitiga. Ae avatu ai foi ma le isi tagata na alu atu e matamata ae ua sipaka ai ile pou na pa’u i lalo, ile ogaoga ole saosaoa ole taavale lea.
Ole tele o taavale ile tatou atunuu, ua toeititi lava tofu uma aiga ma taavale. Ua avea le polokalame tau apu i Niu Sila ma fesoasoani i aiga Samoa, e maua ai taavale, ae o avega foi ole tele o taavale, lea ua amata ona molimauina nei i luga ole aualatele.
Ole molimau ale alii talavou na fesoasoani ile faalavelave e faapea, ole tagata lea na avea le taavale minivan, sa leoleo muamua. E alamu atu le taavale lea, foliga na tuli atu ma le pikiapu. Na ta’ua ele molimau na fetaui lava lona taunuu ane ile aualatele, ae faalogo atu loa ua patatu mai ile poumoli.
Na ia ta’ua, “e ofo ole malosi ole ola ale tagata. Ole faaletonu na tupu semanu e avatu ai ma le tagata na uilā ai, ae ole mea e mālie ai, ole sipaka ile uila, ae valaau ane tagata e asu ane se paelo vai e fui ai. Peitai na ou valaau atu iai e avane ni lavalava e tanuma’i ai. Ole maupaolo na uilā i Letogo na togafiti ile falemai ma toe te’a mai i tua.
Lelea le taavale ma paka i luga ole tutumaa i Faleula
E laki le aiga e ona le tutumaa maualuga lava i Faleula, tusa ole itu i Sisifo ole faasologa mai o aiga ile pito lava lena e iai le pamu kesi.
Ina ua masau atu lava le taavale, sipi, ma paka faalelei mai lava i luga ole matietie pei lava na faatu ai e se siligi i luga ole mapu’e mai o ‘alā.
Ole afiafi ole Aso Sa na tupu ai lena faalavelave, sa faigata ona iloa e tagata le mafuaaga ole tumu o tagata ile auala, auā e fai si maomao i tua ole mapu’e na saofa’i mai ai le sipi lea. Ole tele o taavale ile atunuu, ua tele ai foi ma faalavelave tau taavale ua lipotia.
Ua molimauina, tusa lava pe faasā ona faatau le pia ile Aso Sa, ae e pei ole Aso Sa lea e faatetele ina malolo ai tagata ma mitimiti sina fagu.
Ole metotia ua fai ole matuā faatau lava o pia ile Aso Toonai, e fai ai le inuga fula ile Aso Sa. Ma molimauina ai le feoa’i onanā oni taulelea ile auala e agai i Faleasiu uta ma fagupia ile auala.
Oloo o faatasi lava le auga ole tele o taavale ile atunuu, ma le fesoasoani iai ale ‘ava malosi oloo mafai ai lava ona aualā amioga a avetaavale.
