Malaga fua i Hamilton Island & Amerika i faaaloaloga a le Monavie

O manuia lē ‘aumaua, ma o le tala moni, ua fia tausaga o pologa i le tele o pili totogi ma le leai o se taimi ma le aiga, ae o lea faato‘ā ataata o ta’ulelei nei manuia sa natia. Tailo foi i le tagata e malo i le loto pe maua le fiafia e tusa o faaaloaloga a le Monavie.
E pei ona lausilafia ai le tāua ma le aogā o lenei vai faaola, ua lē gata i le fesoasoani i le soifua maloloina, ae o le tamaoaiga foi. O le Monavie ua ia toe amataina se mafutaga vavalalata i totonu o le aiga.

O se vai foi e faigata ona talitonuina e se tagata ma nanau i ai sona finagalo se‘i vaganā ua tuu atoa i ai le mafaufau, o saafiafiga fiafia ia a le susuga ia Vaea Lang Siu e pei ona faatalanoaina i le suiga ua iai lona aiga.

Na maua se feiloaiga ma le susuga ia Vaea ma si ona faletua o Janet Lang Siu, na sioa ma lologo le tusitala a o faamatala auiliili le uluai taimi na o la taliaina ai ma faagaioi lenei vai poo le juice ua molimauina e le toatele le tāua ma le aogā.

I se saunoaga a Vaea, na ta‘ua ai e faapea, a o lei maua le Monavie, sa iai le la pisinisi o loli e 4 sa feoai e kiliva le kokokola (cococola) i vaega uma o Brisbane. O se galuega e tau lē maua ai se taimi e mafuta ai i le tina ma le fanau.

E lē maua se to‘a o le mafaufau i le tau totogiina o aveloli aemaise le mau tupe faaalu ae lē lava le seleni. E amata i le 3 i le vaveao ae faato‘ā mānava i le 5 poo le 7 foi i le afiafi.

O gasegase e pei o le tua tiga ma tino gagase ua fofo‘e faavi uma ese atu e le Monavie, ma o se suiga e lē manofonofo ae ao pea ona faailoa.

Na ta‘ua e Vaea, o se asiasiga na alu i Sydney ae faamatala ane ai e se tasi o uso ma lona toalua le Monavie, ma e moni lava e leiloa ala o manuia. Na talia gofie e le mafaufau ma tulimatai loa ina ia tini lea sini e ala i le galue malosi e faatino galuega uma.
Na iai lagona a faapea e mafai e isi tagata ona oo i ai i ia tulaga, aisea la e lē mafai ai e lona aiga ona maua ia manuia, o le fesili lea na finau pea i le mafaufau o le susuga ia Vaea na ia saunoa i ai ma lona agaga fiafia.

Na saunoa Vaea, ua fia tausaga o fai le pisinisi, o le tala moni e seasea ona maua se taimi mo le aiga aemaise le fanau, e oi i le tele o pili ma le sailiga o tupe o le mokesi. Ae talu ona talitonuina le Monavie, ua mafai ona faatau atu loli o lana pisinisi ma totogi motu ai le fale ma ua matuā faasolo lava ina māmā le avega ma ua matuai māmā lava.

Faato‘ā taliu mai le susuga ia Vaea ma le faletua ia Janet sa folau atu i le nofoaga lauiloa i Kuiniselani, o Hamilton Island, le nofoaga e solo i ai maimoaga a le tele o papalagi ma le auvaega e tu ai le tuaniu. O se uluai tafaoga e aunoa ma se la seleni na faaalu ai e tusa le umi ma le tasi le vaiaso.

O lea foi ua sauni e toe malaga atu i Amerika sei tali pea faaaloaloga a le Monavie, e nonofo fua i le faletalimalo o pepa malaga o le First Class faatasi ai ma tupe faaalu i faatau ma soo se vaega ua tuuina mai ia i laua, toe lava o le sauni e tuuvaa atu i se isi foi tafaoga mo le 2 vaiaso.

O se miti ua leva ona faananau i ai lea ua tali mai, o le faafetai sili i le Tamā o i le lagi ona o le malosi ma le ola aemaise le agaga e faia ai lenei auaunaga ma talia ai e le tele o tagata.

O se avanoa lē ‘aumaua ua silafia ai e nisi le aogā o le Monavie i le soifua maloloina faapea le tamaoaiga. E lē o tagata uma e galue ai le Monavie ae mafai ona galue i le tuutasi i ai o lou fatu, loto, agaga ma le mafaufau.

E lē o gata le galulue e pei ona ta‘ua e Vaea ma Janet, o loo fesoasoani malosi ina ia manuia e le tele o aiga faapea ma uo. O le susuga ia Vaea e malaga mai le alalafaga o Tulaele ma le faletua ia Janet mai Vailima.