Mafutaga a le Aiga Fuimaono Amituanai Ulupale ma Vaipaepae

O le aai o Melepone na faia ai le mafutaga tuufaatasi (Reunion) a alo ma fanau ma le auaiga o Fuimaono Amituanai Ulupale ma Vaipaepae, lea na amata i le Aso Gafua, aso 29 e oo i le Aso Lulu aso 31 o Tesema 2014.
Na autovaa mai le toatele o le mamalu o le aigaalii mai Aotearoa ma Samoa, a o nisi foi na talaaao mai isi Setete o Ausetalia. O le mafutaga lenei na faavaeina ma amata i Melepone i le tausaga e 2008, e tailua tausaga ma faataunuu. Ua mae‘a le sao o Samoa ma Niu Sila, ae ua toe asia laufanua lafulemu ma le felanulanuai o le aai o Melepone.

Na tatala ma amataina aloaia le mafutaga i le sauniga na taitaia e le faafeagaiga le Lupe faalele a le aiga le susuga ia Elder Fagaloa Fuimaono, ma faagasolo ai le mafutaga i ona tulaga ma vaega eseese, i le ea malu ma vaaiga matalasi ma le matagofie o laufanu o Ballarat, o se tasi o faoa aai pe itula ma le ‘afa lona mamao mai le City, i se tasi o nofoaga e ta‘ua o le Adekate Lodge Dean.
O le agaga ma le finagalo autu o tuaa sinasina aemaise o tupu ma tamalii o le aiga, ina ia faamasani ma fealofani alo ma fanau a le aiga.

Na faamatafi i le sauniga na taitaia e le susuga ia Pastor Teufilo Vaatiuola, ma tatala ai le fili alii ma le viiga o le Tapaau sili ona ua tau lau o le faamoemoe i lona puipuiaulape i soifua o le aiga atoa, ua ta‘ape le fuāmanusina ma le faamoemoe e feiloai i Samoa i le isi lua tausaga.
Faamanuia le Atua Silisiliese i le loaloa o le aiga potopoto, mai mauga tetele, se tafa mauga seia oo i mauga tamatama; alofagia e lana afio sailigamalo i soo se tafa o le lalolagi, tumau lana faauuga i o outou ala uma.
Nisi o vaaiga eseese i le mafutaga

Paia ma le mamalu o le aiga alii