Laufofoga fiafia ole Aufaigaluega Toeaiina, faifeau, A’oa’o ma faletua, Tiakono Toeaina Matagaluega EFKS Kuiniselani i Saute mae‘a le tofiga faaiu ole 2017

Laufofoga fiafia ole Aufaigaluega Toeaiina, faifeau, A’oa’o ma faletua, Tiakono Toeaina Matagaluega EFKS Kuiniselani i Saute mae‘a le tofiga faaiu ole 2017

Ua taualuga nei tofiga tailua ale Matagaluega EFKS a Kuiniselani i Saute mo lenei foi tausaga 2017 e pei ona masani ai le tai lua ile tausaga.  E lua aso na faagasolo ai le Tofiga faaiu ole masina o Iulai lea na amataina mai le Aso Faraile ele Tofiga ale aufaigaluega Toeaiina, faafeagaiga faapea foi A’oa’o  fesoasoani ma faletua.

Ole taeao ole Aso Toonai aso 8 o Iulai na tatalaina ise sauniga lotu ona faagasolo lea ole tofiga a Tina ae faaiuina ile tofiga tele.  Ole toe tofiga foi lenei e pei ona masani ai mo le talanoaina o mataupu tau le lotoifale o Pulega e 2 aemaise le matagaluega. E le gata i lea, ole amata talanoaina ma faataatitia foi nisi o mataupu e faasauni atu ai mo le fono ile isi tausaga fou.

Sa tu ile foe le susuga ile Toeaina ia Rev Ionatana Faaiuaso ole taitaifono mai ia Iulai  2016 seia paia lenei tausaga. Ole 2017-2018 ua pale mai foi ile Komiti o mataupu tau le aufaigaluega le susuga ile Toeaina ia  Rev Elder Tauaaga Mataafa faatasi ma le komit e aofia ai: Failautusi – Rev Perelini Tauilo; Teuoloa – Rev Sapu Samoa.

Talu mai le fonotele  i Samoa, lea faatoa fesagai foi le Matagaluega ma faia aloaia ai le faamavaega mai susuga i faafeagaiga penisione e aofia ai le susuga ia Rev Aofaiga Levi faapea le faletua ia Lolo’u Levi ma le susuga ia Rev Milo ma le faletua ia Sinei Faaleava, sa lei auai ona o gasegase oloo faataolia ai.

Na toe faafetaia ele Komiti o mataupu tau le aufaigaluega a laua galuega mae’ae’a mai le tele o tausaga.

Faalauiloa aloaia ai foi ile matagaluega i lea lava aso ua toatolu ai nei le aufaigaluega Penisione manumalo malolo a Kuiniselani e aofia ai  le susuga ile Toeaina penisione malolo manumalo ia Rev Samuelu ma le faletua ia Tima Tu’iai.

O lenei toeaina ma le faletua Rev Samuelu ma Tima Tu’iai, e molimauina ele toatele e ui ina matutua ma pulapulalagoto lo la soifua peitai e le misi se faatasiga ma le faamalo’ulo’u atu e lagolago meafai auā ole mamalu foi lea ma le maopoopo o soo se faatasiga, ona o lo la auai atu.

Comments

comments