E tolu afe na faaalu e le kamupani lafo tupe faamomoli o le Pacific Ezy Money Transfer mo i latou e toasefulu ua manumalo i le faalauiloa o le Aso Sa o Tina o lenei tausaga 2013, ma le toalima ua manumalo i le Se‘i a le kamupani o faaiuga o vaiaso poo le weekly draw.
E tailua selau tala a le tagata e toatasi. I Niu Sila e toasefulu foi ua manumalo i le Se‘i o le faalauiloa o le Aso Sa lava o tina o lenei tausaga ma e tailuaselau tala Niu Sila ua latou maua. O Se‘i nei o faalauiloa a le kamupani e pei ona faaalia e le pulega, o se isi auala lea e toe sasaa atu ai e le Pacific Ezy lona aao mafola e fesoasoani ai i le atunuu mo ni seleni auā fuafuaga masani a aiga o i latou o loo faaaogāina lana tautua e lafo ma tala ai seleni e lē gata i Niu Sila a o Samoa foi.
E lē o le taimi muamua lenei ua faia ai nei faalauiloa poo promotion a le kamupani i le faamoemoe o le pulega, ia lē gata ina lagolagoina lana tautua e le atunuu mo le lafoina ma le talaina o seleni faamomoli, ae ia iai se isi auala e tauia ai lea lagolago atu. O le faafetai lea a le tamaitai pule o le kamupani i Samoa le afioga Muliagatele Lynette Stowers Ah Kau, i le mamalu o le atunuu o loo latou faatuatuaina le auaunaga a le Pacifc Ezy Money Transfer, auā ana lē seanoa ma le latou soosoo tau‘au atu e lē mafai ona ausia e le kamupani se tulaga maualuga i lana tautua lafo tupe ma tala tupe faamomoli.
O le to‘a sefulu ua manumalo i Samoa i le faalauiloa o le Aso Sa o tina poo le Mother’s Day, e toatasi lava mai le motu i Savaii ae o le isi toaiva e mai Upolu. O lē ua manumalo i le Se‘i o le vaiaso o La Asiata o Vaega Satupaitea i Savaii.
E lē faagaloina foi e le kamupani i latou o loo lafoina a latou tupe i le latou auaunaga i soo sona lala i Niu Sila lea foi ua ave i ai le faamanuiaga tupe ta‘i luaselau tala. E iai foi nisi faalauiloa a le Pacific Ezy o loo sauni mai mo isi masina o lumanai nei.
Tagai i le lisi atoa o suafa o i latou na manumalo i Samoa faapea foi i Niu Sila:
