“Maimau, maimau e, pe ana se‘i toe fesiligia lava a‘u ele au Kerisiano e tali atu i faatalanoaga o faia faasaga i talitonuga Mosalemi i luga ole televise.”
Ose toe tuliloaina lenei ole taitai o tagata lotu Mosalemi i Samoa, Susuga Laulu Dan Stanley, i sona lagona e faatatau i tagata faatupu faalavelave, poo le au faapāpomu pule ile ola ua maliliu ai le fia selau o tagata i atunuu Arapi.
Ole faamaligi toto lea na saunoa Laulu na afua ai ona molitu ia e Katinale Pio, i lana Afioga ile Ao ole Malo o Samoa, Susuga Malietoa Tanumafili II, ile masina o Tesema ole 1992. Peitai i lona talitonuga, ole au faapāpā pomu pule ile ola, e leai ma sona sootaga i tagata Mosalemi.
Peitai na molimoli faapagota ia ele taitai o Ekalesia Soofaatasi i lena taimi, afioga ia Katinale Pio, ile Ao ole Malo.
Na faapea ane lana afioga, “O lea ua aumai le tagi ale Katinale e fai ma sui ole faalapototoga o Ekalesia ile faamaligi toto o Mosalemi.”
“Ae ou fai atu, o lena e taatia mai le Quran ma le Tusi Paia, ae o lea e ta‘u atu pea mea ia oute iloa”.
I lana faamatalaga, na oo lava le latou talanoaga ile tipi ole lima agasala o talanoa mai ai le Tusi Paia.
“Ae tuufaatasi ai loa aao ole Ao ole Malo ma faapea ane, ana faatino iinei le tipi ole lima ole gaoi, Laulu, oka ua mamā Samoa.”
“Ae alu e tala‘i. A iai se isi e faalavelave, sau e logo mai a‘u. Tu loa i luga le toeaina ma faamanuia mai ia te au.”
Ae mulimuli ane faapea mai: “Tago laia e faamanuia a‘u, aumai e oe manuia na ete sau ma oe, aua ete toe alu ma oe. Ia fai se ‘ai ole ta feiloaiga, oute fia ola umi. Ma tago mai avatu o‘u lima tuu i luga o lona ulu ma ou tatalo loa ile Atua, afai o iai ni manuia, aveese uma tiga ma ni ma‘i mai le Ao ole matou Malo. Na ia fusi a‘u ma fai mai, alu loa ia e manuia.”
Ile talanoa a Laulu, e na‘o le Atua e silafia le mea moni, ae mai lava ile taimi lena sa fai lava siaki o lona soifua maloloina i Niu Sila, ae sa manuia seia oo lava ile tausaga na tuumalo ai. “Na talia ele Atua ma mea ia na fai ma Malietoa, ae na taia loa ile Tusi Paia le Katinale, faamavae loa.”
Aliali ai ma manaoga lē taulau
Ile faamatalaga a Laulu, “Na momoo lana afioga ile Ao ole Malo, e fia asiasi ise atunuu Arapi, ae lei taliaina ele Palemia o lena taimi, Afioga Tofilau Eti Alesana. Sa ia talosagaina le Palemia mo se tusi ale malo, ae faitalia ia ma tapena, peitai na otegia ia e Tofilau ma faapea ane, pe ole a ou faaaogāina le avanoa e tala‘i ai la‘u lotu.” Sa maualuga ile faamoemoe o Laulu le faamalieina lea ole manaoga o lana afioga ile Ao ole Malo.
E manatua ele taitai ole Mosalemi, sa faalua ona malaga le Tupu Toga i luga o avanoa faapea na talosaga ane ai ia te ia. Malaga muamua sa na‘o le Tupu, ae ole malaga lona lua na afifio atu ma le masiofo ma isi ae totogi uma ele au Arapi lena malaga.
Ile lua vaiaso talu ona uma le feiloaiga ale Katinale ma le Ao ole Malo, ae faamavae mai lona tofiga ole taitaifono o Ekalesia Soofaatasi.
Ile toe tepa i tala faasolopito ole faamaligi toto, na talanoa ai Laulu, ole pomu muamua lava lea na pa i Oklahoma, ae leai ma se isi na talanoa ai faatatau i Kerisiano. Ae nao na pa lava ole pomu i le atu Alapi, feei foi ma faapea ole au Mosalemi.
O lesi faataitaiga lata mai na avane i luga e Laulu, ole tamaloa na maliu ai lona atalii i Falelauniu ile vaiaso talu ai. “Ana faapea foi ose Mosalemi lea tamaloa, e pepese foi i Mosalemi.
Ma le isi mea, a pa le pomu a le Isalaelu, e faimai lava tagata ole Mosalemi, ma tuuaia ai lava tagata faasalalau, (media) ile itutasi ole latou tilotilo i mea tutupu.”
Na ia talanoa, “ile ata o vali nei e faifeau, afai lava e leo oe ose Kerisiano, o lona uiga leiloa poo ai oe.”
“Mea lena na nonofo nonofo ai ia papalagi i Peretania, faimai tatou o e talai ile au vale ia.
“Ae ole taufaamatau a Isalaelu ia Iran, ae o Iran lea ua latou gaosia le loketi sili ona saosaoa ile lalolagi. Aua ole mea lena lea ua taulai iai ole gaosiga o loketi.
I le talitonuga ole taitai o tagata Mosalemi i Samoa, e tatau i le taitai ole tatou malo ona faateletelegese lana fuafuaga ile suiga ole faavae, ae faia se suesuega.
“Aua e iai le Atua e iai foi le faufautua o Iesu, ae ole tolu tasi Paia, e na te le taliaina aua e leo se Atua Iesu.
“E mamalu Iesu i ona tagata ole au Iutaia, ole gafa o Iesu a e sau mai I Iutaia” “E loloto atu le talitonuga lotu nai lo le faataetae aluga lea e faia ele vaega lea. Sa tatau ona tilotilo ile Ekalesia na taitai e Petelo.
Ae ole nofo nofo lava o ia palagi Peretania, faimai tatou o e talai ile auvale lea, e silia ile 600 talitonuga eseese, ae tolu lava vaega autu, pei ole Katoliko, Luthiana ma le Periperiane.
“Over six hundred denomination, Catholic, Luthirain am le Presbitarian.
Na tuuaia foi e Laulu “tagata Isalaelu o tagata fasioti tagata ma le gaoi. Pei ona latou ave faamalosi fanua o Palesitina, ae o lea e valea lava le au Kerisiano…”
Na folafola foi e Laulu, e leo latou oni Iutaia, o latou ole au Epelu. O tupuaga ia o Aperaamo. E tulaga ese ai lava foi ulumatua ma o latou tupuaga. ole manaoga ole taitai Mosalemi i Vaiusu, ina ia toe fesiligia lava ia ile mataupu lenei.
Aua ole tuuaia ai o Mosalemi i mea leaga pei ole faapa pomu pule ile ola, o masaa ai le toto ole toatele, e talitonu Laulu e matua leai lava se sootaga o na gaioiga ma le talitonuga Mosalemi.
Ole Isalemi poo le Isalama lava ia, ole faamatuu atu lea o lou tagata ile Atua.
