Liu toto le areto

Ole vaaiga fou lea na molimauina i faaaliga ile tino ole Stigmata, Toaipuapuaga Opapo ile piriota ole Aso Maliu o Iesu. Ina ua liutoto le areto i lona fofoga, ose vaaiga fou lea ile toalua o Toa, ae ole faifeau, na osia le Misisa Paia i lea aso.

Ile talanoa ale tamā ia Opapo, o mea uma lava na tutupu ile Aso Maliu ole tausaga talu ai, 2016 ile latou falesa, lea na toe molimauina ile taimi na faatino ai le tala ole maliu o Iesu ile falesa o Malotau i Manono.

Na toe tupu le faaaliga i Malotau, ae ole mea sili ua toe tupu lava ile taimi e pei ona iai ile tausaga talu ai. E faamatala lava Opapo ma le mautinoa le mea na tupu, “sa o ile taeao e amo le koluse i Mulifanua agai i  Manono, ae ole taunuu loa ile 12, ae iloa ai le sasaina o lima, ae ole taeao, na iloa ai le sasaina o lima ma vae.

Ae ole ta ole tolu i Malotau, toe 5 minute ile tolu ile aoauli, a‘o i totonu ole potu, ae iloa loa le pale i lona ulu.

Ole taimi na faatino ai le tala ale autalavou, ole amo e Iesu ma sasa, na tigaina ai, na pa‘u atu ai lava ile nofoa ae na tagi lava ile taimi na pa‘u ai ile nofoa.

“Ua uma ua to‘a ae fai le misisa mulimuli, na faaali ai foi le isi faaaliga, ina ua avatu le areto ile gutu ae liu toto. Ole taimi lava tutu‘i ai le tao ile pito o Iesu, ile faatinoga ole tala a tamaiti na fai, ae vaaia ai foi le toto mai o lona itu.

Sa tutui ma le itu ole tagata na faatinoa Iesu, ae iloa ai le toto ane ile itu o Toa.

Ole isi vaaiga fou lea na tupu, ole taimi ua taunuu, ae tafe mai le vai. Ole faatusa ale Dvine Mercy, ole vai ole sign ua uma le soifua ole Alii. Ile faatalanoaga lava lea ma Opapo, na ia maitauina ai, le mautinoa loa lea ua maliu le alii, ole taimi lava na tafe mai ai le vai ile tino.

Ole mea fou le tafe mai ole vai ile manu‘a, ma le aleto e tuu ile gutu, ae tilotilo atu ua liu toto. Ua faalua ona tupu lea vaaiga fou, na toe iloa foi ile misisa i Mulivai, toe iloa ai foi le avatu ole areto ae liu toto.

“Na tuu ai lava lea i lona laulaufaiva, se‘i molimauina. Na talanoa Opapo, na ia faalogo e faapea e na‘o taupousa e tutupu ai mea faapea.

Ae o lea ua tupu ia Toa. Na talanoa foi Opapo, ile laasaga ua oo nei iai le latou aulotu, “O lea ua uma le matou lotu, na matou lolotu faatasi uma ma le Katoliko ma Mamona ona e maopoopo le matou faatasiga.

Oute manao e fofo uma faafitauli ma mea uma, ae lei tumuli ese atu ma le matou nuu. Ole Aso Lulu ole vaiaso nei, e toe foi aloaia atu ai Opapo ma le faletua ma le nofo a alo i lo latou aiga i Vaitele. Ua faataunuu lava le finagalo ole Ekalesia. Ole toe foi ile lotu e faalagolago ise latou faaiuga.

Peitai ole taimi nei ua oo lava foi le mataupu lenei ile faamasinoga. Ona ua iai ni aafiaga o lona aiga, e pei ona ia talanoa i faasalalauga na faia ele aufaasalalau. “Ua fai la‘u loia le tamaitai o Precious Chang lea ua faatuina nei lona ofisa loia faatasi ma Murial Lui i Apia.”