Ole liu lotu ole tamaita o Toaipuapuaga Opapo Ah Chong ma lona toalua ma lo la alo, e lē ose filifiliga na faia na‘o laua.
Ua lauiloa lenei alo ole atunuu, ona oloo faaauala mai i lona tino faaaliga, ole toto maligi o Iesu Keriso ma lagona ole tiga o sauaga a‘o lei maliu le Alii Faaola. Ole isi foi mafuaaga ole mataina o lenei lava mataupu, ona ose alo faasino ise faafeagaiga toeaina ale Ekalesia Faapotopotoga Kerisiano Samoa, le Susuga Opapo, oloo faanofo ai nei e tausi le EFKS i Siufaga Falelatai.
Na fesiligia le faafeagaiga ile mafuaaga o lona lagolagoina ole liulotu ose vaega o lona aiga ile Katoliko. “E lē aogā ona ou mafaufau ini lotu, ae ia ou vaai ile feau. Pau le mea oute manao ai, ia faataunuu le mea o finagalo iai le Alii. Oute popole ole gagana Eperu, ole gagana lea na tusi ai le Tusi Paia Tuai, ole mafuaaga ole faailoa mai ole finagalo ole Atua.”
Taulaga tagata mole ekalesia Katoliko Roma
“Ua foai atu la‘u fanau e auauna atu ai iina. O la‘u taulaga lena ina ia faataunuu poo fea lea e finagalo iai le Alii.” Ole sauniga paia ole Misasa na faaulufale ai Toaipuapuaga ile Ekalesia Katoliko, na taitaia ele Afioga a Patele Takito Fidow ile malumalu Katoliko o Siufaga Falelatai ile 6:30 taeao ole Aso Toonai, 24 Setema 2016.
Ua talia ma faamaonia ai le avea ma tagata tapuai ale Ekalesia Katoliko Roma, le tamaitai o Toaipuapuaga ma lona toalua o Patrick Ah Chong ma lo la alo, le tamaitai o Fe‘i.
E 42 feau tusitusia ile gagana Eperu ua faaliliu
O feau mulimuli lava na taunuu ile 3 ile afiafi o Aukuso 28 2016. Ole faaliliuga ia tatau ona oo i Roma ae lei uma le masina lenei o Setema. Ole faaliliuga lenei ile gagana Peretania ole feau e pei ona faaliliu i Niu Sila ele Amapasa o Isaraelu oloo i Niu Sila. Sa faaauala atu ise talosaga na tuuina atu iai ele afioga ile Palemia, Susuga Tuilaepa Lupesoliai Sailele Malielegaoi.
Feau lona 40: Sunday 3pm, 28 Aokuso 2016
“There is no fear in love, but perfect love expels fear Jehova is on my side against fear. I wrote these things to you so they will believe in God’s name: (Note, the following lines can’t be read because of the red colour)
The son of God is my son and God gave us the understanding because what (can’t make the word). Know him he is real, and we find ourselves in him it is all right, even Jesus the Messiah. This is the real God and eternal life.”
Feau lona 41: Sunday 3pm 28 Aokuso 2016
“This is the word of the public peace. All (can’t understand) it needs to be publicized on Sunday 18 December. Until the end of September you need to find a way to pass this message to Rome to translate and make public before the given date.
Do what I tell you without worries and to place your trust in me. Around my mission will pass(?)
Your father will join you and your husband to the trip as he will be needed.”
“E fai lava ele Alii le auala”
“E fai lava ele Alii le auala,” ole tali filemu lena na tuuina atu ele tamaitai o Toaipuapuaga i lona tamā, ina ua atugalu le toeaina “pe ole a faapefea nei ona faatupe se auala e momoli ai le feau ua poloaina ai lona aiga ele Alii.”
Peitai, lea ua oo mai ile taimi ole Palemia, o lana tala lena, “na faasino mai ele Atua oe ia te au”.
Na oo lava le tamaitai o Toa ma lona tamā ile taitai ole malo e faaoo atu iai le tala male faaaliga. Ma o iina na toe maua ai le isi foi faaaliga i luma ole alii Palemia, na faailoa ane ai le ata ole Satauro male lupe oloo faapepepepe ai i luga ane ole satauro.
“Ole lupe ole faailoga lena ole Agaga Paia” ile talitonuga ole Susuga Opapo. Na amata mai ai lava iina ona tuu atu le lagolago ale afioga ile Palemia e faataunuu manaoga e pei ole faaliliuina lea o tusitusiga ile gagana Eperu anamua male gagana Eperu o aso nei, lea oloo tusia ai e Toa feau oloo ta‘u ane iai ele Atua.
O tupuaga o Toa o tagata Katoliko Roma
E lē gata ole afioga ile Palemia e lotu Katoliko, ae faapena foi i tuaa na tupuga mai ai tuaa ole tamaitai o Toa. “Ole isi tupuaga o o‘u mātua ole Katoliko. Ole mea lena oute lē faailogaina ai poo le ā le Ekalesia.”
“Ua matou o atu ile Katoliko ona ua faigata e leai se saunoaga mautu a toeaiina, e mananao e fia o e faataunu le faaaliga ona ua uma ona faaliliu.”
Ua aumai foi le folafolaga ale Alii “ole fetalaiga ale Alii, aua ete popole, a e manaomia se fesoasoani, oute faasusulu atu o‘u faailoga na ua ia te oe.”
I molimau ale aiga o Toa, “Pei oni mea e sasa ini uaea, e totō aano, e mailaila lava mea e iloa ai e pei na sasa. Ole ulu, e lē atoa se vaiaso ae toe molemole, ae o lima e leai se mea e pu, ae a oo ina faaali mai faailoga, e toto mai.”
“Ole taimi muamua sa lē tiga, ae ole taimi lava na aumai ai tusitusiga na amata ai loa ona tigaina i tiga.”
Ofo le Isaraelu i tusitusiga Eperu o anamua
“Ole tala ale Isaraelu, e ofo ile mafai ona tusi ese tagata le gagana Eperu anamua, ae lei aoga ai, ae sa‘o lelei le faiga o fuaiupu,” ma avea ai ose auala sa faigofie ai ma vave ona faaliliu faaaliga tusitusia na avatu i Niu Sila ma toe aumai.
E lei taumatematea, auā na atoa atu lava le tusitusiga o fuaiupu, ma manino lelei. O iai lagona ole tamaitai e ono toe iai se isi faaaliga e taunuu mai.
Faaputu ona laei e ave i Roma
Oloo teu lelei uma lava laei na faaaogā e Toa talu mai taimi na ia maua ai faaaliga. O ofu oloo pisipisia ile toto, ma masaesae. “Oloo faaputuputu uma lava laei ole tamaitai na faaaogā i taimi na aliali mai ai faaaliga.”
Ole 23 ai lenei o tausaga ole tamaitai, na soifua mai le aso 24 o Me 1992, o ia e lona lima o alo e toaono ole faafeagaiga. Ma na faaipoipao ia Patrick Ah Chong ile Ekalesia EFKS. Ua iai lo la alo e toatasi, le tamaitai o Fe‘i.
