I Do le tamaitai o le Ainiusami i le tama o le Laumua o Tumua

Na potopoto aiga ma uo aeamaise le ekalesia Aso Fitu Koneferenisi e molimauina lenei faamoemoe tāua, i le Aso Sa, aso 21 o Tesema, i le itula e 11 i le taeao, ina ua tuufaatasia i le faaipoipoga le alii o Hanlon Lucas Tipoai ma lana manamea ia Donna Puava Loia Tipoai.
Sa matagofie se suiga i le faia o le sauniga paia i le togalaau i Derby Road i Logan Reserve ae faaiuina i le taumafataga i le pitonuu o Acacia Ridge.

O le alii faaipoipo o le alo e faasino ia Lama Tipoai, ae o le tamaitai faaipoipo o se alo e faasino ia Ielu Loia mai Solosolo ma le faletua ia Toetu Muliaga Loia mai Savaia Lefaga. O le fetalaiga ia Le‘autuli‘ilagi Solialofi Malaeoalii Vaa Leapai sa fai ma fofoga o le aso ae o le tofa ia Timu sa tu tootoo auā faaaloaloga a aiga na lua.

E ui lava ua misia le mafutaga ma si ona grandmother ia Aimalefoa ua faiilagi folauga, ae na vaaia lava le lagolago a aiga e ala i le opogi o le aso fiafia o le ulugalii fou.
O alofaaga e lē mavae mo oulua Donna Puava ma Lucas Tipoai e auina atu mai o oulua mātua faapea aiga uma lava i Ausetalia, Samoa, Niu Sila ma soo se itu o le lalolagi o taape ai aiga. Manuia le aiga fou!
MC Le‘autuli‘ilagi ma Neta, Fuaalau faatasi ma le Tiakono toeaina EFKS Qld Maiava ma le faletua

Puava ma Lucas ma la uosili ma aumea mamae i lo la aso fiafia

Tamaitai faaipoipo ma ona mātua ia Ielu ma Toetu ma ona auaiga