E lei solomuli nisi o faipule o le HRPP i le fesiligia o le Malo i le toe vaevaeina o itumalo faaalalafaga o le a suia i itumalo faapalota.

E lei solomuli nisi o faipule o le HRPP i le fesiligia o le Malo i le toe vaevaeina o itumalo faaalalafaga o le a suia i itumalo faapalota.

E lei faigofie finagalo o sui faipule o le Palemene ina ua amata soalaupule teuteuga o le faavae ile toe fetuunaiga o itumalo faa faafaipule lea ua fuafua e suia i itumalo faapalota ae aveesea le tulaga o iai nei o itumalo faaalalafaga lea o loo vaevae e fua i tu ma aganuu a Samoa.

O le fuafuaga o loo manaomia i teuteuga o le faavae o nuu e pei o Leauvaa ma Saleaula lea o loo i Upolu o le a le toe aofia i itumalo i Savaii e pei ona iai nei ma ua fuafua e faaofi Saleaula ma Leauvaa i itumalo o loo iai i Upolu. O le toe fetuunaiina foi o itumalo ua manaomia ai le aveese o tuaoi o iai nei ae faaopoopo nisi o nuu ma afioaga i itumalo faapalota.

Na faaalia e le afioga ile Palemia e le aveesea ai le mamalu o tu ma aganuu a Samoa i ona itumalo mavae.

O le tasi o teuteuga o le Faavae ua toe lauliliu atoa ai le le tulafono o faigapalota 1963 ma e tele ni vaega ua manaomia le suia.

O nisi o suiga ua fautuaina o le palota o le sui tauva, o lona toalua ma lana fanau ile itumalo o le a tauva ai, ae le toe avatua ai ma isi tagata o lona aiga poo aiga o le toalua. Ua faamalosia foi i suiga o loo manaomia le palota lava o tagata mai isi vaega o le atunuu i itumalo o loo faamautu ai, seia vagana o loo umia se suafa matai i se nuu ise itumalo i isi vaega o Upolu ma Savaii. Ua aiaia foi i teuteuga atoa o lenei tulafono le le toe iai oni fale palota faapitoa o itumalo i Savaii i totonu o le taulaga, ose suiga o le a faamalosia ai le agai o tagata palota o loo lesitala i ia itumalo e faia ai a latou palota.

Ose tasi o suiga fou o loo fia faaofi ile tulafono autu o le mafai lea ona lesitala o tagata faigaluega faavaitaimi mai atunuu o loo galulue ai e ala ile faaaoga o faiga faatekonolosi e pei o le imeli ma le fax. Ua aiaia foi i teuteuga o le tulafono o faigapalota le iai ose vaitaimi e ta’ua o le prepoll period lea o loo aiaia e fa aso ao lumanai le aso o le palota e mafai ai ona faatino palota a e ua matutua le au penisione, o i latou e iai manaoga faapitoa ma tagata e fia malaga ese ma Samoa ao lumanai le palota. O le fitu aso e tapena ai se tagi o faatosina o le palota o lea ua suia ile 30 aso e tapena ai se tagi ile saunoaga a le Minisita o o le ofisa o le Komesina o faigapalota e lava ai le taimi e su’esu’e ai se mataupu.

O le faata’otoga lenei o itumalo faapalota o le a iai pe faatino teuteuga o le faavae ua taatia nei i le laulau a fono a le Palemene, lea ua tuuina atu i se komiti faapalemene mo le iloiloina ma toe foi ane ile maota fono mo le faitauga faatolu ma pasia ai.

Itumalo palota o Upolu

Itumalo Palota 1 –  Vaimauga 1 : Fagalii; Laulii; Letogo; Vailele; Vailele-uta.

Itumalo Palota 2 – Vaimauga 2: Moataa; Moataa-uta; Toomatagi; Vaiala; Vaiala-uta; Vaipuna; Levili; Vaivase-tai; Vaivase-uta.

Itumalo Palota 3 – Vaimauga 3 :  Faatoia; Vini; Maagao; Magiagi; Magiagi-uta; Lelata; Letava; Matautu-tai; Matautu-uta; Leone;   Vaisigano; Vailima; Vaoala; Afiamalu; Afiamalu Sisifo; Papaloloa; Papauta; Tanugamanono; Tiapapata; Avele; Nafanua; Tanumaleko; Malololelei; Tiavi.

Itumalo Palota 4 – Vaimauga 4 : Leufisa; Motootua; Malifa; Leififi; Apia; Lalovaea; Lalovaea i Sasae; Aai Niue; Maluafou; Matafele; Vaimea; Palisi; Tamaligi; Tauese; Tufuiopa; Mulinuu; Fugalei;   Savalalo; Saleufi; Sogi; Taufusi; Togafuafua; Aai o Fiti; Alamagoto; Mulivai; Tuloto.

Itumalo Palota 5 – Faleata 1 : Alafua; Lepea; Lotopa; Pesega; Moamoa; Moamoa Fou; Seesee; Tuaefu; Tuanaimato; Sinamoga; Ululoloa; Vaimoso; Vaitoloa.

Itumalo Palota 6 – Faleata 2 : Elise Fou; Falelauniu; Siusega; Talimatau; Tanumapua; Tapatapao;   Tulaele-uta; Tulaele-tai; Vailoa; Vaigaga; Vaiusu; Leaupani.

Itumalo Palota 7 – Faleata 3 : Vaitele; Vaitele Fou; Vaitele-uta  .

Itumalo Palota 8 – Faleata 4 : Safune; Saina; Puipaa; Toamua.

Itumalo Palota 9 – Sagaga 1 : Aele; Faleula; Nuu; Solomona-Fou; Tafaigata.

Itumalo Palota 10 – Sagaga 2 : Afega; Malie; Tuanai.

Itumalo Palota 11 – Sagaga 3 : Leauvaa; Aleisa Sisifo; Aleisa Sasae.

Itumalo Palota 12 – Sagaga 4 : Levi; Lotosoa; Malua; Nonoa; Fatitu; Salepouae; Tufulele; Utualii; Alamutu.

Itumalo Palota 13 – Aana Alofi 1 :  Faleasiu; Sapulu.

Itumalo Palota 14 –  Aana Alofi : 2 Fasitoo-uta; Lepale; Matailiili; Satui.

Itumalo Palota 15 –  Aana Alofi 3 : Leulumoega; Leulumoega Tuai; Nofoalii.

Itumalo Palota 16 –  Aana Alofi 4 : Faleatiu; Faleolo; Fasitoo-tai; Magia; Sagafili; Satapuala; Vailuutai.

Itumalo Palota 17 –  Aiga i le Tai :  Satuimalufilufi; Apai; Apolima-tai; Apolima-uta; Falepuna; Faleu; Fuailoloo; Lalovi; Lepuiai; Manono-tai; Manono-uta; Mulifanua; Salua; Samea; Satoi.

Itumalo Palota 18 – Falelatai & Samatau : Falevai; Levi; Matanofo; Matautu; Nefunefu; Pata; Samai; Samatau; Siufaga.

Itumalo Palota 19 – Lefaga ma Faleaseela Faleaseela; Gagaifolevao; Matautu; Matafaa; Safaatoa; Savaia; Tafagamanu; Tanumalala; Vaiama.

Itumalo Palota 20 – Safata 1 : Salamumu; Salamumu-uta; Lotofagā; Saanapu; Saanapu-uta; Sataoa; Sataoa-uta.

Itumalo Palota 21 – Safata 2 : Nuusuatia; Vaiee; Fausaga; Fusi; Mulivai; Tafitoala.

Itumalo Palota 22 – Siumu : Maninoa; Matafala; Saaga; Saaga Fou; Siumu; Siumu-uta.

Itumalo Palota 23 – Falealili 1 : Malaemalu; Matautu; Piu; Poutasi; Saleilua; Sapunaoa; Satalo; Tafatafa; Vaovai.

Itumalo Palota 24 – Falealili 2 : Salani; Salesatele; Sapoe; Siuniu; Utulaelae.

Itumalo Palota 25 – Lotofaga : Matatufu; Lotofaga; Vavau.

Itumalo Palota 26 – Lepa Aufaga : Lepa; Saleapaga; Siupapa; Vaigalu.

Itumalo Palota 27 –

Aleipata Itupa i Luga : Lalomanu; Ulutogia; Vailoa.

Itumalo Palota 28 – Aleipata Itupa i Lalo : Amaile; Lotopue; Malaela; Mutiatele; Saleaaumua; Samusu; Satitoa; Tiavea; Utufaalalafa.

Itumalo Palota 29 – Vaa o Fonoti : Saletele; Sauago; Lona; Maasina; Musumusu; Salimu; Samamea; Taelefaga; Uafato.

Itumalo Palota 30 –  Anoamaa 1 : Faleapuna; Falefa; Falevao; Lalomauga; Lufilufi; Manunu.

Itumalo Palota 31 –  Anoamaa 2 : Eva; Fusi; Leusoalii; Luatuanuu; Salelesi; Saoluafata; Solaua; Solosolo.

Itumalo faapalota o Puleono i Salafai

Itumalo Palota 32 – Faasaleleaga 1 : Foua; Salelologa; Saletagaloa; Saloga; Sapulu; Satalafai; Tafua.

Itumalo Palota 33 – Faasaleleaga 2 : Iva; Lalomalava; Safua; Salelavalu; Salelavalu-tai; Vaiafai; Vaisaulu; Va o Iva.

Itumalo Palota 34 – Faasaleleaga 3 : Eveeve; Fatausi; Fogapoa; Fuifatu; Fusi; Safotulafai; Sapapalii; Tapueleele; Tuasivi; Vaimaga.

Itumalo Palota 35 – Faasaleleaga 4 : Faga; Luua; Malae; Saasaai; Saipipi; Salimu; Sapini; Siufaga.

Itumalo Palota 36 – Faasaleleaga 5 : Asaga; Lano; Puapua.

Itumalo Palota 37 –  Gagaemauga 1 : Mauga; Patamea; Samalaeulu; Saleaula.

Itumalo Palota 38 – Gagaemauga 2 : Avao; Fagamalo; Lelepa; Safai; Saleia; Satoalepai; Vaipouli.

Itumalo Palota 39 – Gagaifomauga 1 : Manase; Safotu.

Itumalo Palota 40 – Gagaifomauga 2 : Faletagaloa; Fatuvalu; Leagiagi; Lefagaoalii; Matavai; Paia; Samauga; Safune.

Itumalo Palota 41 – Gagaifomauga 3 : Aopo; Fagaee; Letui; Sasina.

Itumalo Palota 42 –  Vaisigano 1 : Asau; Auala; Matavai; Utuloa; Vaisala.

Itumalo Palota 43 –  Vaisigano 2 : Fagasa; Papa-Sataua; Sataua.

Itumalo Palota 44 – Falealupo Avata : Falealupo; Vaotupua.

Itumalo Palota 45 – Alataua Sisifo : Falelima, Neiafu; Tufutafoe.

Itumalo Palota 46 – Salega 1 : Fagafau; Faiaai; Fogatuli; Samata-tai; Samata-uta.

Itumalo Palota 47 – Salega 2 : Fogasavaii; Sagone; Vaipua.

Itumalo Palota 48 – Palauli 1 : Foailalo; Foailuga; Salailua; Satuiatua; Siutu; Taga.

Itumalo Palota 49 – Palauli 2 : Gataivai; Gautavai; Papa-i-Puleia; Puleia; Sili.

Itumalo Palota 50 –  Satupaitea : Moasula; Pitonuu; Satufia; Vaega.

Itumalo Palota 51 – Palauli 3 : Faala; Vailoa; Vaitoomuli.

Comments

comments