Eugenia Ulla McFall – 2004-2005
O se aso matagofie i le agiagi mālū mai o le savili i le afiafi i luga o le vai e lata i le taulaga o Brisbane ae nofoia loa le auvalaaulia ina ua mae‘a ona sainia le feagaiga ua malilie ma tuufaatasi le tamaitai o Eugenia Ula McFall ma lana manamea o Federico Lopez.
O le tamaitai o Eugenia o se tasi o tausala sa filifilia ma tauaveina le pale o le Miss Samoa Ausetalia i le tausaga e 2004/2005. E ui ua failagi le folauga a si ona tina ia Liz Roache peitai o loo maua pea le la mafutaga vavalalata ma si ona tamā ia Williams McFall aemaise o uso ma tuagane faapea aiga. O le alii faaipoipo e lē o se Samoa.
Sa fai sao le afioga ia Patele Epati Tamati i le sauniga lotu i le malumalu. O le fofoga o le aso o le fetalaiga ia Fiu Paul McFall.
E toatele aiga na malaga mai Samoa, Niu Sila faapea nisi setete o Ausetalia, ma o se aso fiafia i le matagofie leai se vevesi leai ma se mea na gāsē auā na fai lava i le auala faigofie ma lelei tapena mea uma. Ia manuia le aiga fou.
