Filifilia Adelle ma Atele i taaloga volipolo (Trans Tasman Volleyball championship)

O se taaloga mataina na molimauina e nisi o le atunuu e ala i le taaloga volipolo. Sa auai mai ai ‘au a Niu Sila ma nisi ‘au a Ausetalia. O le filiina mai o nei ‘au sa faamanuiaina ai nisi o alo tamaitai Samoa e toalua sa filifilia mai i le ‘au tele a Ausetalia.
O le tamaitai o Adelle Pese mai Niu Sa Uelese, ma Atele Tasi i Kuiniselani, ua na o laua lava ni alo o le atunuu. O mātua o Atele o le tamā ia Tamalelagi Timo mai Letogo & Siufaga ma le tina ia Roketi Tasi mai Sapapalii ma Ulutogia.
O ‘au sa tauva e taitasi ‘au a alii ma tamaitai mai Kuiniselani, ‘au a alii ma tamaitai mai Niu Sa Uelese, e faapena foi ‘au a alii ma tamaitai mai Niu Sila i Saute ma Niu Sila i Matu. Sa faagasolo le tauvaga i le vaiaso atoa sa faataunuuina i le Runaway Bay Sports complex i Gold Coast. Na faia suega siamupini.
Na manumalo le ‘au a Niu Sila i alii, ae manumalo le ‘au a Ausetalia i tamaitai. O ‘au ua manumalo ma filifilia o le a malaga atu i taaloga faavaomalo i se taimi o lenei tausaga.