Alo ma tamaitai Samoa i le asosi a le Queensland Samoa Netball INC

Alo ma tamaitai Samoa i le asosi a le Queensland Samoa Netball INC

Ua amata foi ona faalauiloa le filiina o ni tamaitai talenia ma iai le naunau e fia taaalo ma mafai ona avea ma sui o le QLD Samoa i le au netipolo auā le taamilosaga tele a le Challenge of the Nations, ia Novema i le aso 17 ma le aso 24 o Novema i le tausaga nei 2018.

O le tele o tausaga e mautinoa ma molimauina le toatele o alo tamaitai latou te opogi ma iai le agaga naunau e fia auai i lenei taamilosaga. O le tausaga ua mavae e 10 ‘au a Samoa.

E faatagaina le tolu ‘au i le division e pei o le U13 Competitive teams ma le 3 ‘au a le U13 Development Teams.

O atumotu o loo iai a latou ‘au i le taamilosaga lenei a le Challenge of the Nations e aofia ai le : 

▪ Indigenous Australian Netball Club

▪ Cook Islands Netball Queensland

▪ Queensland Samoa Netball Inc

▪ Queensland Tonga Netball Inc

▪ Queensland Maori Netball Nation Association Inc

▪ QPNG Gold Netball Club Inc

▪ Brisbane Kaiviti and Sports Social Club

▪ SEQ Tokelau Netball

▪ Niue Netball QLD

O se taamilosaga e vaaia le faatumulia e le gata o le au taaalo ae faapea le lagolago a aiga ma uo, aua e maoa’e foi le tapenaina lelei ma le faapolokalameina. O le Aso Toonai a sau nei, aso 14 o Iulai le uluai taaloga e fili ai ni tamaiti mo le faamoemoe.

O loo maua pea avanoa pe a fai e fiafia tusia lou suafa e ala i lou tusi i le emeli o loo i lalo. E le gata i lea o loo moomia pea i latou e ofo fua mai o latou taimi e lagolago i le faamoemoe. O le ta o le valu i le afa o le iva (8:00am-9:30am) e saili ai ‘au a le U13 (2005-2007). O le U16 e amata mai iai latou na fananau mai i le 2002 e oo atu i le 2004. Ua faamoemoe o le ta o le 10-12 i le taeao o le aso lava lea o le a saili ai le U21 (1997-2001), faapea le Opens (1997-1984) ma le Masters (1983-Earlier) O le U21 o le division fou lea faatoa amata, e iai nisi e ono agavaa mai le Open e taaalo mo le U21 ae mafai ona taaalo i le division e tasi.

O le Aso Lulu aso 18 o Iulai o le a faia taaloga e fili ai nisi tamaitai i le 6:00pm-7:15pm afiafi. O le U13 o ē na fananau mai i le 2005-2007, faapea le U16 (2002-2004). O le isi taaloga e faia i le afa o le fitu (7:30pm-9:00pm) U21 (1997-2001). O le Opens (1997-1984), Masters (1983-Earlier). O le tuatusi e faia ai faataitaiga o le 151 Ewing Road, Woodridge.

Executive team:

President Lita Chand, Treasurer Soti Fealofani, faapea le failautusi o Vania Gentles. O le Komiti e aofia ai Tima Tapuaiga, Maria Manu, Chanelle Siala ma Dezma Taueu.

Afai o loo ia te oe le agaga naunau e te fia taalo ai i le ‘au, o loo maua pea le avanoa a’o lumanai le aso 14 ma le aso 18 o Iulai o loo fili ai ni sui e tauaveina le igoa o le QLD Samoa Netball INC. E $10 le totogi ae lelei ona valaau le numera a le Failautusi ia Vania 0410 666 044 poo le emeli: samoanetballqld@gmail.com

O le agaga faafetai o le komiti ma le pulega i sponsors a le QLD Samoa Netball INC o loo mafai ai ona faatamo’e le faamoemoe o le ‘au i lenei taamilosaga i tausaga uma.