O le po ole Aso Toonai na faataunuuina ai le Fiafia nite a le Asosi a Tamaiti Pasefika ale Iunivesete a Grifith, ( Grifith Pasifika Association). Sa auai nisi o alo ma fanau mai le Iunivesite ale QUTPA – QUT Pasifika Association UQSPIA – University of Queensland South Pacific Islander Association, ma nisi iunivesite, sa vaai foi le lagolago a matua ma aiga faatumulia le faleaoga ale Woodridge state high shool i Woodridge.
Matagofie faafiafiaga na maua ai le ‘ata ae ole ‘auga lava ole lagolago ale atunuu i le tele o mea fai a nai alo ma fanau Pasefika i lea foi Iunivesete aua e fai sina toatele o alo ma fanau Pasefika o a’otauina ai o latou faaailoga ile poto ma le atamai aua se manuia o latou aemaise o matua ma aiga.
O le fofoga ole po ole tamaitai ia Amanda Fitisemanu le alo o tautalaga ia Faiumu Tuii ma Fetai Fitisemanu.
O le tausaga lona lua lenei ua faatino ai lea faamoemoe ma ole agaga moni latou te fesoasoani ma faamalosi mai i nai isi alo ma fanau ina ia maua lo latou fiafia e faaauauina pea tulaga tau a’oa’oga aua se manuia o aiga,nuu, ekalesia ma le atunuu
