O le faalupeina o le Radio Samoa ma le Samoa Times i isi atunuu pei o Ausetalia, o le Leitio Faavaomalo ma le Nusipepa Faavaomalo, ua lē gata i fessotaiga ma leitio i atunuu i fafo atu o Niu Sila, ae ua mautu foi le lagolago faifai pea a ona ofisa tusitusi i le tele o ia atunuu, e faapea foi i aai tetele o Ausetalia, ua maualuga ma matietie ai le tautua ma le auaunaga Faavaomalo.
E ui la ina lē masani pe aiga e tasi le aufaigaluega ma ona ofisa uma, ae a malaga tafafao pe feafioai faavaomalo ae feiloai ai ma uso a auauna mo le uluai taimi, ona mafuta lea ma feiloai e pei lava e aiga e tasi.
E pei la ona iai le malaga tafao a le Susuga ia Papaliitele Lafulafu Peo, e asia uo ma aiga i le aai o Melepone i le vaiaso na tuanai atu, na maua ai se feiloaiga ma le autusitala a la tatou nusipepa mo le taimi muamua, e ui ina e lē masani, ae na avea le tautua ma le igoa o le Samoa Times e fai ma sootaga.Na soloia uma ai papuipui o le lē masani, ae ua aiga e tasi faatusitala, e lē gata la o la tatou pepa, ae na feiloai foi ma nisi tamalii o tautua i isi foi nusipepa i Melepone auā foi o le Tautua Faavaomalo.
