Fealofani Samoa ma Toga i le tauvaga Tagapolo Western Union

E tele taimi e faalogoina ai feeseeseiga i va o tupulaga Samoa ma Tonga i aai tetele i Amerika, Hawaii, Niu Sila ma Ausetalia nei, e afua mai mafutaga, kalapu ma taaloga. Ae peitai o le Aso Toonai na tea nei i le malae tapolo i Woodville, Sini Ausetalia na potopoto faatasi ai le kalapu Samoa a le ‘FiaFia’ faapea le kalapu Toga i Sini o le ‘Langaola’.
O lenei faamoemoe na lagolagoina e le Western Union, ma o le tamaitai Pule o le Maketi Pasefika a lea Kamupani, Eseta Ale Faitua na auai atu e fai ma sui o le Kamupani. E le gata i le mataina o ta a sui o kalapu e lua i luga o le malae ae na vaaia foi le fiafia ma le mafana o le mafutaga a nai tamalii, tina ma fanau Samoa ma Toga i lea aso.
Na saunoa le Fofoga o le Aso le Afioga Su‘a Pou Onesemo, “O se faamoemoe matagofie lenei aua ua faamamafaina ai le taaalo faatasi faaleuso o nei kalapu i le Lagolago a le Western Union ma o le talosaga ia faauau pea lona atinaeina i lea tausaga ma lea tausaga.”
Na matagofie foi le susulu matagofie o le la ua atili lalelei ai kalapu e lua i a latou togiga na saunia e le Western Union.
E le gata i lea na tufatufaina ai foi ma ato meaalofa mai le kamupani mo sui uma na tauva. O le ponesi o le aso na vaaia ai foi le tauaaoina e le sui o le kamupani Teutusi tai $500AUD mo kalapu a le ‘FiaFia’ ma le ‘Langaola’ auā polokalame atiae o loo totoe mo le 2013.
Na faapea foi le lasi o faamatalaga i taualumaga o le aso i le taimi na mapu ifo ai auā e lua i le paolo mo sa latou BBQ ma se vaimalu na taualuga ai le aso ma i latou na faamanuiaina:
O lē na maua le tuufaatasiga maualuga (Best Gross) o Alani Piukala (Toga) 72 Nett: Savae Sika Tofaeono (Samoa) 65. Na sosoo ai le Best Gross: Felise Leaaeitoa (Toga) 82
Nett: Nuu Afeaki (Toga) 65 Faapea le Best Gross: Feteleni Aho (Toga) 85 Nett: Ruhi Ahaeolangi (Toga) 64 Nearest to the Pin: 5th Hole – Viva Veilo 11th Hole Sulu Fuamatu
Longest 14: Kalolo Fifita Drive & Pitch 12: Aleni Piukala. Honest Golfer (Faamaoni) 122  Graham Freddy. Overall (Aofaiga) Best 8 for Western Union Cup – Langaola (Toga) 546, Fiafia (Samoa) 541.
O le Afioga Alalatoa Emani na tauaaoina le Ipu autu ma sa faaalia le fiafia o le sui o le Western Union i le matagofie o lea aso.