Faia suiga au lakapi fitu a Samoa

Ua faia le faaiuga a faiaoga ma le pulega o le au lakapi taitoafitu a le Manu Samoa, e faamalolo Lolo Lui le kapeteni ma Uale Ma‘i e lē taaalo i vaega e lua o loo toe o le taamilosaga lakapi fitu a le IRB o le a faia i Sikotilani ma Egelani.
O manu‘aga o ia alii taaalo mai le taamilosaga fitu i Hong Kong ma Adelaide i Ausetalia ua mafua ai lea faaiuga e pei ona faailoa e le faiaoga ulu o le ‘au, o Stephen Betham.
E fai si ogaoga o manu‘aga o Lolo ma Uale ma e tatau ai ona faamalolo e pei ona saunoa le faiaoga.
E to‘a sefuluvalu sui filifilia o le ‘au taitoafitu a le atunuu o loo tapenapena mo vae e lua o loo totoe lea ua fili ai ma Mikaele Pesamino sa lei filifilia i taamilosaga talu ai nei ona o se manu‘a i lona tulivae.
O i latou ua tapenapena ma sauni mo le vaega faaiu o le taamilosaga taitoafitu o lenei tausaga:
Ofisa Treviranus
Simaika Mikaele
Alafoti Faosiliva
Afa Aiono
Fale Sooialo
Alatasi Tupou
Reupena Levasa
Fautua Otto
Sani Niue
Tom Iosefo
Falemiga Selesele
Levi Asi
Lole Tualaulelei
Kose Petelo
Taulagi Afamasaga.
Mikaele Pesamino
Apelu Faaiuga
Iosefa Savusa