Fafagu pea i tupulaga talavou Katoliko le aganuu

Nisi o vaaiga i tapenaga a nisi o Autalavou i lea aso - Autalavou-Henderson
Nisi o vaaiga i tapenaga a nisi o Autalavou i lea aso – Autalavou-Henderson

E 12 Ekalesia Katoliko i Aukilani sa auai ile tauvaga a autalavou lea sa faataunuuina i Malaeola ile taeao ole Aso Toonai 11 o Iuni.

O le sini ma le faamoemoe maualuga o lenei polokalame, ole faatāuaina male putiputi pea e tagatānuu o Samoa oloo alaala ma aumau i atunuu i fafo o measina ale tatou atunuu.

Nisi o vaaiga i tapenaga a nisi o Autalavou i lea aso - Autalavou-Manurewa
Nisi o vaaiga i tapenaga a nisi o Autalavou i lea aso – Autalavou-Manurewa

Elē gata i lea ae ole taumafai e faailoa ma aoao i fanau na tutupu a‘e i Niu Sila nei le aganuu a Samoa. O le autu na tatai iai manatu ma faafiafiaga ole aso, “Taofi Mau i lau Aganuu.” Ma o lenei faamoemoe e tailua tausaga ma fai.

Ae ole tāua ole polokalame, ua lē gata i ekalesia e 12 sa filifilia ae ua oo lava i susuga i faafeagaiga faapea aiga uo ma ē masani sa feofoofotai e molimau lenei faamoemoe tāua.

E fā vaega na agai iai le tauvaga, ma sa tuuina le avanoa i autalavou taitasi e fai ai le se‘i ina ia manino ai vaega taitasi e tauva ai autalavou.

FP

Ole Mauluulu, na tauva ai le autalavou a Papatoetoe, Mangere Central, Panmure, Henderson, Leauvaa, Clover Park.

Ole Sasa lea sa tauva ai le autalavou a Otahuhu, Manurewa, Mangere East, Otara, Glen Innes ma Blockhouse Bay.

Ole Manaia sa tauva ai le autalavou a Clover Park, Manurewa, Otahuhu, Henderson, Papatoetoe ma Blockhouse Bay.

Ole Taupou sa tauva mai ai le autalavou a Panmure, Leauvaa, Glen Innes, Otara, Mangere East ma Mangere Central.

Ole afioga ia Father Michael Alipia Endemann na taitaiina le polokalame ile sauniga lotu, ae ole afioga ia Toleafoa Joseph Galumalemana, le susuga ia Salepou Kovati Wright, Lemana Fiapule Sione, Apisaloma Alesi ma Patricia Tofilau sa faamasinoina le tauvaga.

Ose aso lagilelei a‘o faailoa le tomai ma taleni a fanau e ala i polokalame sa latou saunia. Ole afioga ia Galumalemana Tai Galumalemana faapea le auaunaga ale G-Mana sa latou lagolagoina ma saunia ipu mo lenei tauvaga.

Nisi o vaaiga i tapenaga a nisi o Autalavou i lea aso- Autalavou- Glenn Ines
Nisi o vaaiga i tapenaga a nisi o Autalavou i lea aso- Autalavou- Glenn Ines

Ae sa faailoa ele fofoga ole aso le susuga ia Muliagatele Paulo lona loto fiafia male faafetai i tapenaga sa oo iai autalavou taitasi ile mataina ole faatinoina e fanau o vaega taitasi sa togi iai le tauvaga, auā sa faaautu uma vaega e fā ole tauvaga ile sini autu “Taofi Mau i lau Aganuu.”

IMG_2421

Iuga o le Tauvaga

Taupou: 1) Panmure;  2) Leauvaa;  3) Mangere East & Mangere Central.

Manaia: 1) Clover Park;  2) Manurewa;

3) Blockhouse Bay.

Sasa: 1) Otahuhu;  2) Manurewa;

3.Mangere East.

Mauluulu: 1) Panmure;  2) Papatoetoe;

3) Mangere Central.

Aotelega: 1) Panmure;  2) Mangere Central;

3) Otahuhu.