Ua pa‘e le saito ae toaitiiti le aufaigaluega, ua tupu ma ola agaga ole ekalesia ma ua mae‘a foi ona faaauupegaina nisi o auauna ale Atua e tala‘i Lona finagalo.
Ole autu ma le auga tonu lena ole Koneferenisi ale Ekalesia Uesiliana Metotisi Samoa Niu Sila ma Ausetalia na usuia i Niu Sila ile ‘au‘au, “Taula lou ola ile Atua”.
Na amata le fonotaga tele ile Aso Tofi, 20 o Oketopa ae faaiu ile Aso Sa, 23 o Oketopa, lea na faia ai ma le faauuga o susuga i faafeagaiga ua tusiaao iai le Atua mo le galuega folafola e tausia ma vaaia lafu mamoe.
Ole sauniga paia ole faauuga o faifeau na feagai ma le Peresetene ole Ekalesia aoao, Rev Samuelu Vaeagi. Ose faatasiga na iai le mamalu ole Atua auā na amataina ile manuia faaiuina ile fiafia ae maualuga pea le viiga ole Matai sili ile lagi.
O lea fauuga sa faia lea ile Silverstream Retreat numera 3 Reynolds Bach Drive i Lower Hutt, Ueligitone i Niu Sila.
Auauna ale Atua na faauuina ma nuu ole a galulue ai:
Rev Faafolau & Donna Aiomata – Papakura (Auckland, NZ)
Rev Michael & Elizabeth Mika – Melbourne (Victoria, AUS)
Rev Alalatoa & Fialuma Aiomata – Lower Hutt (Wellington, NZ)
