Faauu Yandall Solomona Tuigamala mai Iunivesite o Aukilani

“Ua ou tau le taua lelei ua iu ia te au le tausinioga.” O se aso o loimata o le fiafia ina ua faauuina le alii o Yandall Solomona Tuigamala i se tasi o faailoga faafomai (Bachelor of Health Sciences) i le Iunivesite o Aukilani.

O lona tamā o Tuigamala Solomona Tuigamala e mai le afioaga o Saanapu a o lona tina o Sieni Tuigamala e mai le afioaga o Lalomanu. Sa molimauina foi e nai ona mātua faaleagaga le susuga i le tausi matagaluega ia Fua Tuisaletolo ma le faletua ia Fofoaivaoese.

Faaalia e le afioga ia Tuigamala lo la agaga faafetai i le Atua ina ua mafai ona faataunuuina moemitiga a le atalii. Ua sauni atu nei le alii o Yandall mo le faalauteleina o lona tomai i nisi o faailoga. Tau ina ia faamanuia le Atua i le alofaiva atu o lenei alo o le atunuu auā se ‘ai mo le tapuaiga a nai ona mātua aemaise aiga. Faafetai.
Faamatalaga na tuuina mai
Nisi o aiga sa molimauina lea aso

Rev Fua Tuisaletolo & faletua Fofoaivaoese ma le alii o Yandall