O le ta o le 12 i le aoauli o le Aso Sa, 26 o Me 2013, na faatautaia ai se sauniga paia e faauuina ai tofi o le Mafutaga Ekalesia Samoa a le Uesiliana Metotisi a Ausetalia. Sa taitaia lea sauniga e le susuga ia Rev Evile Pule i le aai o Waterford, ae faauuina tofi e le susuga i le Peresetene o le ekalesia aoao a Ausetalia Uesiliana Metotisi, le susuga ia Rev Rex Rigby.
Ua filifilia faapitoa le faifeau a Inala le susuga ia Rev Risatisone (Saleaula & Faleasiu) ma le faletua ia Faitauga Taufao (Tiavea Aleipata) e avea ma Taitaifono; Failautusi o Ps Sitika Lemana Satui, ae sui taitaifono Kalepo & Susana Afemata.
E fa ekalesia o loo iai i le mafutaga lea e aofia ai le ekalesia a Forest Lake o loo tausia e Ps Sitika Lemana Satui e faapea ona vaavaalua ai le susuga ia Rev Evile & Taumuli Pule. O le ekalesia a Southgate o loo vaaia e Faalaeo Umaga.
O le ekalesia a Waterford o loo tausia e le susuga i le faafeagaiga ia Kalepo & Susana Afemata faapea le ekalesia a Inala o loo taitaia ma vaaia e le susuga ia Rev Risatisone ma le faletua ia Faitauga Taufao. O lea lava sauniga o le a fai sao uma ekalesia i le lagiina o viiga o le Atua.
