Faauu Juanita Taailefili Tuimalealiifano-Nanai mai le Iunivesite o Aukilani

O aso o seleselega o ni galuega fita sa feagai ai mo le tele o tausaga, e vaaia ai lava loifofoga o aiga, mātua ma uo, aemaise i latou e fitoitonu i ai le seleselega. Peitai o na loifofoga, e mafua ona o le fiafia, le faagaeetia, le agaga ua tumu i le faafetai ma le fia vivii i le Atua, ona ua tau lau o le faamoemoe talu lana taitaiga paia, ma lona fesoasoani i le tagata faatauvaa.

Ma o le agaga tonu lena ma lagona moni na sa faatumulia ai le aiga o le tamaitai o Juanita Taailefili Tuimalealiifano-Nanai, o se alo faasino i le afioga ia Nanai Panapa ma le faletua ia Mina Tui-Nanai mai Falelatai, ina ua faauu mai lona faailoga sa tauivi ai i le ao ma le po mo suesuega ma aoaoga, ina ia tini le faamoemoe.

Na faauu mai Juanita mai le Iunivesite o Aukilani i le aso 4 Me 2014, i lona faailoga o le BA in Criminology & Psychology.

Faafetai faaeaea, faafetai talimanao ma faafiafia i ou mātua ma lou aiga atoa. Alofaga mai lou aiga atoa ma au uo uma. God Bless.

Prof. Morgan Tuimalealiifano (uncle) mai Fiti, Nanai Panapa (tamā), Juanita, Peter Nanai, Ugauga Segi Nanai (tuagane) ma Mina Tui-Nanai (tna)Juanita ma nai ona mātua ia Nanai Panapa & Mina Tui-Nanai