E 78 faailoilo e faailoa ai se sunami poo se galulolo ua amata faapipii ma faatutu i nofoaga eseese o le talafatai o le taulaga o Apia i lenei vaiaso, o se poloketi a le faalapotopotoga faavaomalo o Leipa le International Labour Organisation, ua galulue faatasi ai ma le vaega o galuega i taimi o faalavelave faalenatura i le Matagaluega o Punaoa Faalenatura ma le siosiomaga. O le faia o lea galuega ua filifilia ai ni alii ma tamaitai talavou se toa 15 latou te faatino le faapipiiina o ia faailoilo o se tasi lea o manulauti o le fuafuaga alualu mamao mo tupulaga o Malo Aufaatasi.
O ia tupulaga talavou sa aoaoina foi i galuega fesoasoani e fesootai ma le auaunaga faalesoifua maloloina faapea galuega laveai a le Koluse mumu i Samoa.
O le sao o ia tupulaga o le atunuu ua filifilia mo lea galuega o se faalauiloa sili e faataua ai pea le soifua malu puipuia e pei ona faaalia e se sui sooupu o le ILO i Samoa le afioga Lagipoiva Cherelle Jackson.
