Faasolo ina tigaina le gasegase o le Taitoafitu a Samoa

O loo feagai pea le tapuaiga a Samoa ma lagona lē mautu, lē mautinoa ma le tau matemate poo le ā se mea e mafai ona toe vave maua ai se fofo o le gasegase ua tuga nei o le ‘au Taitoafitu a le Manu Samoa, ae pe mafai ea ona toe agaigai i luma le taalo a le ‘au, ona ua foliga mai ua pei lava ua seesee mālie ese atu mafaufau o le toatele mai le taaloga sa matuā faamemelo i ai Samoa uma ma lana tapuaiga.

E iai le talitonuga ma le mau a le toatele, ua telē le suiga o le taalo a Samoa pe a fua i tausaga ua tuanai atu.

E foliga mai e ui i nei fesili e tele, ae ua leai lava se isi mea o mafai ona matuai faamalieina ai le faafitauli lea ua fefaasoaa‘i i ai le toatele o le tapuaiga.

O le vae lenei o le taamilosaga sa lē amanaiaina tele i isi vae o le taamilosaga lenei, aemaise ai lava o Amerika o loo tau amatamata i le taaloga o le Taitoafitu i na vaitaimi. Tasi lea foi suiga ua tatau ona silasila i ai le tapuaiga a Samoa, ua lē o toe faatamala ‘au sa vaai maualalo i ai i la aso, o lea ua agai atu e filofilo ai i le fā pito i luga i le tele o vae o le taamilosaga.

O le isi vaaiga lelei ua tele ina agai Faiaoga mai isi atunuu e faafoeina mai le tele o Au i le Sevens i lenei vaitami. O se faataitaiga o Fiti i le toe suiga o le Faiaoga, lea la ua toe malosi mai ai Fiti, atonu o le tali foi lea mo Samoa pe a tulai mai ai se suiga lelei.

O iuga nei o taaloga a le Manu Samoa sa finau ai i Las Vegas
Samoa 0 Fiji 36
Samoa 5 New Zealand 15
Samoa 5 Kenya 19
Samoa 26 Brazil 7
Samoa 26 Wales 1

E tusa ai ma faamaumauga ina ua mae‘a le vae i Las Vegas, o le faatulagana lea o le 10 pito i luga i le taimi nei:
1 Aferika i Saute 93
2 Niu Sila 88
3 Fiti 86
4 Ausetalia 71
5 Egelani 68
6 Atenitina 54
7 Amerika 51
8 Sikotilani 47
9 Falani 37
10 Samoa 36

E pei la ona silasila atu nei i ai, o loo tulaga 7 Amerika i le vae lenei o le taamilosaga i Las Vegas. O isi vae o loo totoe nei o le taamilosaga o taaloga i Hong Kong, Iapani, Sikotilani, ma Egelani, ma o loo faamoemoe o Me i le tausaga nei e faamae‘aina ai lenei taamilosaga.

Samoa e, se‘i tatou tapuaia pea le taumafai a au tamafanau Samoa, atonu ua toeitiiti toe tulai mai e faafiafiaina lau maimoaga seia oo lava i lona taunuuga.

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le tapuaiga a Samoa i lana au Taitoafitu i Las Vegas - Photos: Dan K. Aiono Sataraka

Le taaloga a Samoa ma Brazil - Photos: Dan K. Aiono Sataraka

Le taaloga a Samoa ma Brazil - Photos: Dan K. Aiono Sataraka