O le tasi lea o lagona faaalia o le fetalaiga ia Si‘a Kalos Fuimaono o loo ia faafoeina le auaunaga a le Sparkling Laundromat i le 257E East Tamaki Road, Otara.
Saunoa le susuga ia Kalos, o le vaitaimi o le taumalulu ma timuga, o le tasi lea o vaitaimi e lē gata ina fougata le faamamāina o lavalava ae o le tau fa‘atu foi pe a faafefea ona faamamago aemaise pe a tau lē vaaia le susulu mai o le mafanafana o le la.
O le tautua a le Sparkling Laundromat ua silia ma le tolu tausaga talu ona faavaeina. E silia ma le sefulu masini lapopoa talavalalava faapena foi ma masini faamamago lavalava o loo faatinoina ai la latou auaunaga aemaise foi o le afegofie o le nofoaga o loo iai.
O le fetalaiga ia Si‘a faapea le tausi ia Ruby aemaise o nai o la alo ma le la aufaigaluega o loo latou faatinoina lenei auaunaga. E tatala i aso uma o le vaiaso mai i le 7 i le taeao. O le isi tulaga tāua o nei ituaiga auaunaga i aso faapenei, ona e lē gata ina sefe ai le taimi ae o e tele foi o le eletise e sefeina aemaise foi o le tausiaina o le soifua maloloina e ala i le faamautinoa o loo iai lavalava mamā ma mamago e faaaogā e le aiga faapea fanauiti ma nai mātua matutua.
E feoloolo nai ofo faapitoa o loo tuuina mai e le pulega a le Sparkling Laundromat i lea taimi ma lea taimi, e pei o le gaugau fua o lavalava (free folding service) aemaise a latou pa‘ū faapitoa o loo faagasolo mo se vaitaimi lē tumau.
O lenei foi auaunaga e mafai ona e valaau i ai i le telefoni 2740866 poo le mopili 021 2056003.
