Faapaiaina le faaipoipoga a Nona ma Pene i Melepone

Na aofia potopoto aiga na lua o uo ma aumeamamae, e patipatia le tuufaatasia ma avea o le ulugalii fou, o le tamaitai lalelei o Nona Aroha Matatumua, ma le faatoafaiava le alii o Pene Thomas Tusitala, e pei ona faataunuuina i le Aso Toonai aso 27 o Setema. O le malumalu o le Ekalesia Katoliko le St Agathas i le pitonuu o Granbourne, na osi ai le la feagaiga i luma o le Atua silisiliese, a o molimau o la aiga uma, uo ma ē masani aemaise o le mamalu i le valaaulia.

O le afioga ia Patele Joseph Abutu na taitaia le sauniga ma le lagolagosua a le afioga a Patele Falaniko Leota ma le susuga i le fesoasoani ia Paselio Lemalu na galulue faatasi i le sauniga paia o le sakalameta, na feofoofoai ai a la tautoga o le alofa ma faapaiaina ai lo la aiga. Na faamanuia le aufaigaluega i le amataina o lo la faamoemoe ma tuuina atu i luma o le Atua ia alofagia le amataga o le feagaiga.

Na mae‘a le sauniga mamalu ona sosoo ai lea ma le taumafataga tele matagofie i le Grand Reception i Mulgrave, na tali ai le sua a le aufaigaluega paia ma taumamafa le valaaulia, a o faasolo faafiafiaga eseese a alo ma fanau a le aiga.

Sa mataina foi le sao o le aufaafiafia malosi a le tama tatau, o le tofa ia Ape Sofara na fai ma fofoga o le aso. Na maualuga faaaloaloga a aiga na lua mo le aufaigaluega faapea tupu ma tamalii o le atunuu, ma toe momoli ai alofaaga ma faamanuiaga mo le ulugalii fou, ma luluaao ai ma faatofa ma le agaga fiafia. Ia manuia le ulugalii fou.
(L-R) Faasavalu, le ulugalii fou ma Pene ma Victor o le Tama Tatau

Le ulugalii fou ma a la uosili ma le aufaigaluega paia i afioga i Patele ma fesoasoan

Le ulugalii fou ma a la uosili ma aumeamamae ma ave fugalaau ma page boys ma le au tinifu