Ua osia nei le feagaiga a le alii o Charlie Folau Fetaoai ma le tamaitai o Danielle, ina ua loto gatasi e amataina lo la aiga fou, e pei ona faapine ai i le Aso Sa, aso 5 o Oketopa i le itula e lua i le aoauli. O se aso matagofie ma le susulu manaia o le lā na vaaia ai foliga o le Atua i le tuufaatasia ai o aiga ma uo.
O le alii faaipoipo o se tasi o tama tuai a le QLD REDS i le numera 12 i tausaga ua mavae ae na malolo ona o ni manu‘aga a o lea ua galue nei i le Mission Employment e saili ai galuega a tagata.
O le tamaitai faaipoipo o le Ausetalia a o tuaa o Charlie o Mapuinuumanaia Charlie Fetoai mai Sapulu Salelologa & Matautu Falealili ma si ona tina ia Luamanuvae Fiaese Fetoai mai Saleapaga.
O alofaaga ma faamanuiaga mai ou aiga uma lava i Ausetalia, Niu Sila ma Samoa, faapea le tina matua ia Asomua Filo Fetoai ae faasilisili ai alofaaga mai ou uso o Togisala & Leilani ma le fanau, Tiale ma le fanau, Solomona, ou tuafāfine o Maureen, Pricilla, ma Alyna ae afe ma afe mai lou tina o Luamanuvae Fiaese Fetoai. Manuia le aiga fou!
