Faamanuiaina alo Samoa i faailoga o le atamai

O le masina na tea nei na faauu ai le 395 tagata i faailoga na aoaoina i le Whitireia New Zealand Polytech ma sa faapea ona faauuina ai ni alo o Samoa i le faailoga o le Bachelor of Teaching Early Childhood Education, Bachelor of Nursing, Bachelor of Social Work ma isi o Diploma ae o  isi na faauu i Tusipasi (Certificates) i matata eseese na tausinio i ai, auā galuega e mananao ai i le lumanai.

 
O le tamaitai o Selina Seuava, Motufoua Toleafoa Sofara, Tauvaga Wright-Fata i le faailoga o le Bachelor of Teaching ECE sa taumafai ai i le aoga mo tausaga e tolu. Na faaalia lo latou fiafia faatasi ma nai o latou aiga i le aso o le faauuga. Ua avea aso o le loimata maligi i se tasi o i latou na faamavae atu i si ona toalua i le tausga ua mavae ona o le valaau a le Atua, ma aso o le olioli tele ina ua faaiu manuia le taumafai.

 
Na faauuina ai foi le tamaitai o Timena Kirifi o se alo Toelau i lea lava faailoga ma na faapea foi ona tumutumu ai ona aiga Toelau i le faamoemoe. E moni lava le upu, “O le tama poto e fiafia ai le tamā ae o le tama valea e faanoanoa ai le tina.”

 
Ua lē maua atu igoa o isi alo o Samoa i isi faailoga ae avea lenei avanoa e faamanuia atu ai ia i latou uma na faamanuiaina.

Motufoua Toleafoa Sofara na faauu i le Bachelor of Teaching ECE . O le aufaauu i le Bachelor of Teaching ECE i Whitireia New Zealand Le tamaitai Toelau o Timena Kirifi ma  le alii o Riky Carter na faauu i le Bachelor of Teaching ECE GRADUATION-Le-tamaitai-Toelau-o-Timena-Kirifi-ma--le-alii-o-Riky-Carter-na-faauu-i-le-Bachelor-of-Teaching-ECE