Faamanuiaga o le atoaga o le 21 tausaga o le atalii ia Nanai Tuitaalili Nerony Nanai

O le tala a le faisalamo, “Lo‘u Agaga e, faamanū atu ia Ieova, o mea uma foi o i totonu ia te au ia faamanu ai lona Suafa Paia”. Mo le atalii ia Nanai Tuitaalili Neroni Nanai, faafetai i le Alofa o le Atua, ua ia foaiina nei tausaga e tele i lou ola, ua aulia manuia mai ai le 21o ou tausaga, i le aso 24 o Tesema, 2010.
Atalii, aua ne‘i e faagaloina le Atua, o ia na ia ta‘ita‘i i lou ola, o ia na ia faafouina lou malosi faapei o le aeto. O loo ia malutia foi lou ola, e ala i le galuega fita o loo faafeagai ma oe.
O alofaaga ma faamanuiaga mai ou uso ma ou tuāfafine i Niu Sila nei, ae faapea Aiga uma i Fiti, Samoa, Ausetalia, Amerika, Alaska. Ae faasilisili ai alofaaga e lē mavae mai i ou mātua peleina, o Nanai Panapa Nanai ma Mina Tuimalealiifano-Nanai.