Faamanuiaga mo le 70 tausaga o le afioga ia Kea Tafa‘ese Iulai Malase, o Fatausi ma Vailele, i lona aso soifua o le aso 3 Iulai 1944.
Vivii atu ia outou i le Alii, auā e lelei o ia auā e faavavau lava lona alofa. O le mea lea e vivii a‘e ai o matou agaga ma faafetaia le alofa silisili ese o le Atua i si o matou tamā peleina na ia foai ia te ia le ola ma le malosi i nei tausaga e tele ua ia soifua mai ai.
Sa ia faia galuega lelei mo le aiga faapea le tausiga o i matou le fanau faapea si o matou tina, aemaise o le galuega a le Atua o loo matou galulue ai. Ua matou maua ai se aiga fiafia, ia viia ai le Alii.
Ia faamanuia le Atua i lou aso soifua Dad ma ia toe faaopoopo atu e le Atua nisi tausaga tatou te mafuta ai.
O alofaaga mai ou aiga i Ausetalia, Niu Sila ma Samoa. Sili ai alofaaga mai lau fanau o Telo, Mal ma le fanau, Tafiaina, Mala ma le fanau, Sio, Faletui ma le fanau, Ta‘ele, Rosemarie ma le fanau, John, Ita ma le fanau, Lynette, Jason ma le fanau, faapea si au fanau o loo tou mafuta o Aiolupotea Oka, Mavaega, Jonasi ma Sela, ae silisili ai alofaaga mai le tina ia Lufi Tiulah Malase.
