Fiaoo Filoa: 80 tausaga; Faaesea Filoa: 63 tausaga (faletua Eti Filoa); Misili Filoa: 17 tausaga; Gaylene Leitulua Akelly
O le mafutaga a le tina ia Fiaoo Filoa Samaga Tanielu ma nai ona alo i le vaiaso atoa lea na faataunuuina i totonu o le aai o le YMCA Campsite, na faamanatuina ai le tāua o le alofa o le Atua i nisi o sui o le aiga ina ua latou aulia manuia o latou aso soifua.
O le tina matua ia Fiaoo Filoa na faamanatuina ai lona 80 tausaga. O le susuga i le faifeau Pastor Faaesea Filoa na faamanautina ai lona 63 tausaga, ma le atalii ia Misili Filoa na faamanatuina lona 17 tausaga aemaise o le faletua ia Gaylene Leitulua Akelly ua aulia manuia foi lona aso soifua i le aso mulimuli o le mafutaga a si o latou aiga i le malae o le YMCA i Hunua.
O le susuga ia Pastor Faaesea Filoa ma lona faletua ia Eti Filoa na faimalaga mai Amerika mo le faamoemoe o le faamanatuina o le aso soifua o lo latou tina ia Fiaoo Filoa, faatasi ai ma le fia auai i le mafutaga ma aiga.
O le viiga ma le faaneetaga, o le faamanū ma le faafetai e lē faaitiitia i le Atua ona ua aulia manuia mai e nei sui o le aiga o latou aso soifua i le alofa ma le tausiga faaauau pea a le Atua. O moomooga alofa ma faamanuiaga mo outou uma, ia manuia tele o outou aso soifua mai o outou aiga uma lava mai soo se vaega o le kelope ma Aotearoa nei.
