Matou te vivii ma faafetai a‘e i le Atua le Tamā, ona o lenei ua 21 tausaga o ia tausi mai pea ia te oe la matou agelu, our angel, our dearest son, Theodore Simon. E matou te faatāua aso uma ma tausaga taitasi o lou olaga, mai lava i lou laitiiti seia oo mai i le aso 9 lenei o Tesema 2013, ua aulia ai le 21 o ou tausaga. E ui ina lē atoatoa le malosi o lou tino, ae o oe o le faamanuiaga ia i ma‘ua o ou mātua, aemaise ou tuafāfine ma ou uso.
Matou te faafetai foi i Tamaitai Sa, le ituaiga o Monike i Samoa, auā matou te talitonu o le mamana o a outou talosaga i taimi uma sa avatu ai Theodore e asiasi atu ia outou, aemaise aso uma o loo tou talosia ai Theodore ma ona ma‘i, lea ua ia aulia mai ai nei tausaga e 21. Talosia i le alofa o le Atua, ia toe faaopoopo nisi aso ma nisi tausaga se tele tatou te mafuta ai pea ma oe le atalii pele. Manuia tele lou aso fanau Son!
Alofaaga mai ou mātua, Sauni Poloma & Lusila Fiti Brunt, aemaise ou tuafāfine ma ou uso, ma lou aiga atoa. We love you Son and Happy 21st Birthday!
