Faamanuiaga mo le 21 o Sunema Futi Apelu

O se laasaga lelei tele le ausia ma le aulia e se tama poo se teine talavou o le 21 tausaga o le soifua. O le tamaitai ia Sunema Futi Apelu ua aulia manuia mai lona 21 tausaga. Sa faapea ona faamanatuina lona 21 tausaga i le faleaiga o le Bitez Fushion i Manukau.
Na taitaia le sauniga lotu e le susuga i le faafeagaiga ia Iosia Faleupolu , ma na auai atu ai ma lona faletua ma le faletua ia Sunema Logo Ofe. Sa faatumulia lenei faamoemoe i lana aulotu. Youth, uo, aiga mai Ueligitone, Ausetalia ma Niu Sila. O le Fofoga o lea po o le Afioga ia Galumalemana Tautiaga Lavea.
O moomooga alofa ma faamanuaiga mo oe Sunema, ia maua le malosi le poto ma le atamai e faaauau ai pea lou feagai ma aoaoga aemaise lau tautua i le lotu. Ia usitai i ou mātua  ma lou Nana Tausa Tuluvao Futi ma ia manuia tele au fuafuaga mo le lumanai.
O alofaaga mo oe mai ou aiga uma lava i Ueligitone ia Aunty Savili, Liu, Momoe, Tasi, Fai, Siatua & fanau, ou uncles ma aunties uma, lou Nana Tausa Tuluvao Futi aemaise ou mātua ia Mulipola Feagai ma Sina Apelu.