Faamanuiaga aso fanau, 5 tausaga o Lorenzo Fasi – Noa Siaosi

O moomooga o le agaga ina ua aulia manuia e oe le atalii peleina Lorenzo Noa Siaosi le atoaga o le lima tausaga o lou olaga i Kalaiesetete.

E faafetaia ai le alofa laveai o le Atua i Lana tausiga saogalemu mai le uluai taimi na e ulufale mai ai i le lalolagi, aso 29 Tesema 2005, lenei ua aulia fiafia nei tausaga matagofie i le ola maloloina.

Faafetai i le Atua i lou tuputupu a‘e, aemaise Lona agalelei i le tuuina atu i uluai aoga amata. Matou te tatalo tauanau ia faapea ona Ia puipuia pea oe i ma‘i aemaise le ulufale atu i laasaga fou o aoga.

Ia avea oe Lorenzo ma lamepa mumū i totonu o lou aiga, tama usitai i mātua ma tagata uma e fiafia mai ai le Atua. Manuia tele lou uluai lima tausaga ma ia alofagia e le Atua e leoleoina ma tausia pea oe i ona aao faaola.

Alofaaga mai lou greatgrandma, Moana Siaosi Noa (Aukilani), Nana Salma Scott & aiga (Kalaiesetete), Ashalyna Noa, grandparents Vaifale P. Tumua & Aute Fasi, aiga uma mai Ausetalia, Aukilani, Canterbury, Samoa, Tino e Tasi PreSchool Kalaiesetete ae faasilisili ou mātua Yannich & Tonia Noa Siaosi.