Ua sau nei le vaa na tiu, a ua tau mai le vaa na tau a o mamau pea lago o le vaa lea na fao afolau. O le alofa ma le faamanū lea o le Atua i le matou tina, auā lona aso soifua ina ua mafai ona aulia mai lona 80 tausaga lenei.
O moomooga ia ma mitamitaga ia i matou le fanau ma le aiga ina ua tau lau o le faamoemoe i le aso na atofaina mo le aso soifua o le matou tina. E ui i fita ma faigata o le olaga na ia tauasaina ae lei faalogologo tiga ai, sa ia faia lava mea silisili mo matou e pei ona matou sapi ai nei.
Faafetai tele tina i lou alofa ma lou agalelei, e manatua pea oe ia matou tatalo. O alofaaga e tumau pea mo oe le tina Losa Lolina Fue-Corrin! O faamanuiaga mai lou uso matua ia Sefilina Kolio F.K faapea lau fanau ia Michael, Muliagatele Maria-Grace, Leonia, May, June, Teresa, Dorothy, Susan ma Frances, o Leorand, Mose, Spencer, Alan, Mark, Loyd, ma Hellen faapea ma au grandchildren, ma au great grandchildren, faapea le Afioga ia Matafeo Alefosio ma le faletua, o aiga Sa Matafeo ma aiga Sa Fue.
O alofaaga mai le tamā matua ia Aiono Luapo, Muagututia ma aiga mai Samoa, o Tafilipepe Sanele, Elisapeta ma Fausaiga ma le fanau, Epi ma Savea & fanau, Tasileta F.K. & fanau, Koreti ma Fotu & fanau, Taele & fanau, Maima ma Peteru ma le fanau mai Ausetalia faapea Luana ma Malagamalii Alefosio. Ia manuia lou aso fanau Tina!
