O se aso fiafia, a o potopoto atu aiga uma, o uo mamae ma ē masani, i le nofoaga o le Holiday Inn i Aukilani, i le Aso Toonai talu ai, 18 Iulai 2015, mo se aso faapitoa lea na faamanatu ai le atoaga o le 65 tausaga o le soifua o le tamā, le Afioga Taulepapa Magele Tuilimu Isaia Sulu, o lē o loo seei nei i le tofi Peresetene o le Ekalesia Katoliko a Magele i Sasa‘e.
O se tamā e molimauina e lona aiga le tautua matavela i lana Ekalesia Katoliko, aemaise foi lana tausiga faamaoni i lana fanau, lona toalua, aemaise foi i lona auaiga atoa.
O le aso lava foi lea na faamanatu faatasi ai ma le aso soifua o alo tamaitai ulumatua o le tamā ia Taulepapa Magele, le tamaitai o Maupu Yvonne Sulu Afamasaga Toleafoa, i le atoa ai o le 40 tausaga o lona ia foi soifua.
O moomooga alofa ma le anoanoai o faamanuiaga mai aiga, ma o talosaga e momolia pea i le Atua, ina ia alofa ma toe tuu tulu‘i mai nisi tautala se tele tatou te mafuta ma ola fiafia ai i lenei olaga, aemaise ai le mauaina e oe le tamā peleina faapea le afafine, le ola ma le malosi auā le faaauauina o lua tiute e lē gata i totonu o si o tatou aiga, ae faapea foi i le nuu ma le ekalesia.
Tau ina ia avea pea o oulua soifua e puna mai ai viiga ma faaneeneega mo le Atua.
