Faamanatu le tausaga talu ona momotu le mafutaga e ala i le oti – Taufetee Tapuala Pio Savelino

O le masina o Setema i le tausaga ua mavae 2012, na valaau ai le Atua i le tamā matua ia Taufetee Tapuala Pio Savelino o Satapuala sa alala i le aai o Niu Sa Uelese. O se tamā e iloga foi ana galuega i le ekalesia Metotisi ma e alofagia e le tele o tagata, e lē gata o aiga, uo ma le nuu.
O le auina atu o lona tino maliu i Samoa i le tausaga ua mavae, na faapea ona malaga ai nisi o faafeagaiga ma le aiga atoa. O le aso 27 o Setema 2013 na faataunuu ai le sauniga faapitoa o le tatalaina o le faanoanoa poo le talaga teu o le tamā i le alalafaga o Satapuala lea na malaga ai le tele o aiga aemaise le nofoaalo.
Sa amataina i se sauniga lotu sa taitaia e le faafeagaiga Ekalesia Metotisi Satapuala (Rev. Afa Tyrell) ma faagasolo ai loa polokalame o le aso ma alo atu ai i tulaga o faaaloaloga masani.
Sa faatasi ai foi faafeagaiga Ekalesia Faapotopotoga Kerisiano Samoa Satapuala, Rev. Sale (AOG Satapuala), Rev. Veta Lafoai (Ekalesia Metotisi Faleasiu). Sa auai foi le faletua (Afakasalautele Toomalatai) o le Ekalesia Metotisi Penrith, Sydney, Ausetalia e fai ma sui o le faafeagaiga o le Ekalesia Metotisi Penrith, o le Ekalesia sa galue ai le tamā ia Taufetee Pio Savelino.
O se aso matagofie auā sa faatumulia i le toatele o aiga ma uo, matagofie mea ae sili ai le laualo auā o le susuga i le alii pule o le ABPS Pty Ltd i Brisbane (Lealaifola Lui ma le tausi ia Leigh Savelino sa faato‘ato‘aina le chargoal chicken ma le tele o taumafa na ofo ai le toatele.
E le gata i lea o le kamupani lava lea a lē sa faagaoiina le fauina o le maa ma lona fausaga aemaise le lagolago a uso ma tuafāfine ma aiga. E lē mavae le alofa o le nofoaalo mo si o latou tamā:
Alofaaga o Taufetee Suluape Alaivaa Sua & Asiasiga ma le fanau, Leoo & Soo ma le fanau, Matamu Seumanu Faalia & Iasinta ma le fanau, Taufetee Savelino & Folole ma le fanau, Maioa & Matamu Talasoo ma le fanau, Auomanu Malia P & Lealaifola Nanai Tilati ma le fanau, Fonoaofia & Leoo Sitivi ma le fanau, Rev Veta Lafoai & Faletua Auomala Lafoai ma le fanau, Lealaifola Faletolu Lui & Leutu Leigh & fanau, Soisoifua Siaosi & Loimata ma le fanau, Matamu Pio & Epe ma le fanau.