Afioga ia Patele Epati Tamati ma sui o Divine Mercy ina ua mae‘a le Misasa ole Sulufaga a Iesu le Agaalofa Mamana

Afioga ia Patele Epati Tamati ma sui o Divine Mercy ina ua mae‘a le Misasa ole Sulufaga a Iesu le Agaalofa Mamana

E ese foi lenei Aso Sa i finagalo ole Ekalesia Katoliko aua na usuia ai le Misasa ole Sulufaga a Iesu le Agaalofa Mamana lea na faia ile aai o Darra.

E ono Senakolo na auai e aofia ai Darra, Inala, Woodridge, Jindalee, Caboolture ma Goodna. Ole afioga lava ia Patele Epati Tamati Aiolupotea sa taitaia lea Misasa. E le gata ole toatele o Senakolo ae sa faapea foi ona pulunaunau ma lolofi atu le toatele o tagata lotu ale Ekalesia Katoliko ona ole fia tufitaufao o faalumaga faaleagaga o lenei Aso Sa faitaulia e tasi ona faamanatu ile tausaga.

Na faataunuu foi tulaga masani e ala ile taulaga paia o le Misasa, faapea le upu faalaeiau na saunoa iai lana auauna e faamalosia agaga o tagata tapuai.

Lotu tuufaatasi a Divine Mercy a Kuiniselani Sulufaga a Iesu le Agaalofa Mamana

Lotu tuufaatasi a Divine Mercy a Kuiniselani Sulufaga a Iesu le Agaalofa Mamana

Na mae‘a le Misasa ole Sulufaga a Iesu le Agaalofa Mamana ona sosoo ai lea ma le faatuuga ole Eukalestia e pei ona masani ai le toatele o tagata lotu Katoliko.

Na faaseetuagalu ile hall ina ua mae‘a le sauniga aua foi le taliga ole sua ma feula ai le keke ole Sulufaga.

Ole fofoga ole aso ole fetalaiga a Lealuga Ropati na ia faafeiloai le aofia. Na fai foi le faatau paia auā se tasi e fai ma sui ole auvalaaulia ma tulai ai Leifi Taua e momoli se agaga faafetai ile paia o Senakolo mo faaaloaloga auā le afioga ia Patele Epati ma Samoa na potopoto.

Na ta‘ape le aofia ma le vaa ua goto ma le mama ua lomi ile matagofie o lea aso. O le Taitai aoao o le Divine Mercy o Misa Iosefo na ia saunoa faaiu e faafetaia Senakolo uma ma le faamoemoe ua iu manuia ile alofa ole Atua.

Komiti o Senakolo Divine Mercy:

Darra: Taitai – Misa Iosefo; Sui Taitai – Aemalo Ropati; Talosa Tupai; Teutupe – Leah Schuster.

Caboolture: Taitai – Seiuli Patupatu Vitale; Sui Taitai – Tagitagiapua Christina Tuipea; Failautusi – Fili Tagitagiapua Vitale; Teutupe – Filomena Maria Tauinaola.

Inala: Taitai – Tolu Pisa Iulio; Sui Taitai – Tagaloa Toala; Failautusi – Lupe Bernard; Teutupe – Ale Halo Milford.

Woodridge: Taitai – Alofipo Afakasi; Sui Taitai – Sauafu Silao; Failautusi – Marina Ene; Teutupe – Leaega Tuatagaloa.

Jindalee: Taitai – Malaeulu Toleafoa; Sui Taitai & Failautusi – Motupuaa Ropati;  Teutupe – Vainuulelei Fuiono.

Goodna: Taitai – Wiki Vaoiva; Sui Taitai Tuitumua Pio Mikaele; Failautusi – Peseka Farentino Sooalo; Teutupe – Fatima Soonalote.

Comments

comments