O le tau gagaifo ole la ile afiafi ole Aso Toonai na potopoto ai aiga ma uo ile faletalimalo ale Watermark i Gold coast e molimauina le faamanatuina ole 80 tausaga ole soifua ole Tina matua ia Simoe Solomona Sapolu o Falefa ma Vaiala. Sa faaipoipo atu SImoe ia Mauava Taliilagi Tavita Solomona ua failagi le folauga.
Sa taitaia le sauniga lotu ele susuga ile faafeagaiga mai Niu Sila ia Maafala Koko e pei ona auai mai ma le faletua ia Malu.
Na mamalu le aso ile toatele o aiga ma fanau na pa’au mai Niu Sila ma isi Setete o Ausetalia latou te molimauina le aso soifua ole Tina Matua. E toa 10 le nofoaalo a Simoe 8 alii ae 2 tamaitai, 28 grandchildren ae 28 great grandchildren. O le auga ole malaga mai ole Tina ma aumai i Ausetalia ona ose tasi o ona alo tamaitai ia Rosalina ma nai ona alo na sikolasipi mai Ausetalia i tulaga tau lapaki liki.
O le fofoga o le aso o Fualetavai Tavita Solomona, faatumulia.Sa auai le susuga ia Ps Asafo Avia ma le faletua ia Hellen Hossana Brisbane Church ma nisi faafeagaiga, o lea ekalesia ale Tina matua ia Simoe E toatele ausiva sa faafiafia na vaaia ai le fiafia tele ole tina matua i le faamanatuina o lona aso soifua.
Alofaaga e auina atu i ou aiga uma ma uo faapea si au fanau o Taliilagi Solomona &aiga,(NZ)e le faagaloina si au tama ua maliu o Mataia Mailo Mila Solomona, alofa atu Fualetavai Tavita Solomona &aiga (nz), Vaiutufia Jason (NZ), Tevesi Inu (NZ), Mani Solomona (AUS), Mase’ese’e Solomona (AUS), Rosalina Solomona (AUS), Kali, Eseta Hufanga (NZ) Odille Baba Kali (AUS) ma aiga faapea ou aiga uma lava i NZ, Ausetalia ma Samoa, ma i latou sa malaga mai i lou aso fiafia.
Ia manuia tele lou 80 tausaga Simoe Solomona Sapolu, toe faaopopo ele Atua nisi tausaga se tele e te soifua ai i luga o lenei fogaeleele.
