O se sauniga matagofie na taitaia e Pr Samuelu Afamasaga o le Ekalesia Aso Fitu o le Toe Afio Mai i Logan City, i le aoauli o le Aso Sa, aso 3 o Aukuso, o le faamanatuina lea o le 60 tausaga o le tofa ia Telei‘ai Tanielu Malaga Fetaua‘i (Samatau).
Na faataunuuina lenei sauniga i le hall a le Ekalesia Katolito i Marsden. O le MC o le Susuga ia Mefiposeta Malaga ae o le Fofoga o aiga na lua o le afioga ia Nanai Ifigao Mitaio. Sa fai ma fofoga o le auvalaaulia le susuga ia Manō Kalamelu e faafetaia aiga na lua ona o faaaloaloga ma le taumafataga.
Ia manuia tele lou 60 tausaga Telei‘ai Tanielu Malaga Fetaua‘i. Alofaaga auina atu i si ou faletua ma le nofoaalo faapea ou aiga atoa i Samoa, Niu Sila ma Ausetalia faapea lau ekalesia ma le susuga i le faafeagaiga ia Pr Sam ma le faletua ia Emma Afamasaga.
