Faamanatu le 60 tausaga o le soifua o Afa Godinet

E nopia‘i ma sailimalo le susuga ia Afa ma le faletua ia Senia i Aukilani, peitai o valevale alofa o nai ona tuafāfine o Alma ma Antoneta ma nai o la aiga i Melepone, na valaaulia faaaloalo ai si o la tuagane e faamanatu lona 60 i le aai.
Na autovaa atu foi le alo o Afa ma Senia le tamaitai o Lena mai Canberra le laumua mo le aso fiafia o si ona tuaa. Na sagisagi fiafia le tauaofiaga ma tauaiga i le pitonuu o Bradford, ae o le viiga ma le faaneetaga na sii muamua i le Atua Silisiliese ona o le soifua tulu‘i o le tuagane, le uncle, le uso, le tamā ma se tautoga alofa ma tausaafia.

O moomooga alofa ma talosaga momoli pea a ou aiga uma i Ausetalia, Niu Sila ma Samoa, ina ia faafualoa e le Atua lou soifua.
Manuia lou aso soifua! Alofaaga o Alma, Salā Taouma Mulipola ma le fanau, Antoneta ma le aiga, si au tautoga faapelepeleina o Senia ma si a lua fanau. Happy Birthday Dad!
Susuga ia Afa ma le faletua ia Senia(L-R) Alma, Afa, ma Antoneta