Faamanatu le 21 tausaga o Hadassah Manō

O le fia faamanatuina o le 21 tausaga o le tamaitai o Hadassah Manō, na potopoto uma ane ai aiga ma uo mamae i le ta o le itula e 11 i le taeao o le Aso Sa se‘i mavae atu nei. O nai ona mātua o Sina mai le afioaga o Fusi Safata, ma si ona tamā ia Manō Manō o Siumu.
Sa taitaia le sauniga faamanuia e le susuga i le faafeagaiga o le Ekalesia Aso Fitu o le Toe afio mai i Logan City, susuga ia Pr Ieti Ah Siu. Na auai le tele o ona aiga ma uo faapea le Ekalesia Aso Fitu o le Toe afio mai i Logan ma isi Ekalesia Aso Fitu o le Toe Afio mai mai isi pitonuu.
O le susuga i le Tiakono ia Tautua Gale sa fai ma Fofoga o le aso. Na faamalieina le aofia i le manogi sasala o le taumafataga sa tapenaina e le tofa ia Poulava Sam ma Lorna Matautia o le faleaiga a le Uncle Sam’s Catering, i Ewing Road Woodridge.
Manuia tele lou 21 tausaga Hadassah! O alofaaga e fia momoli atu mai ou mātua, uso ma tuagane faapea ou aiga ma au uo aemaise aiga uma i Samoa, Niu Sila ma Ausetalia faapea lau Ekalesia.