Faamanatu le 21 o Faananafu Leaupepe

E faaputu‘oa mātua mo alo ma fanau, ‘oa faaletino ae silisili ‘oa faaleagaga, o le taimi faauuuina ua atofa e le Atua e faamanuia atu ai mātua ma tauaao atu i atalii ma afafine le saolotoga e ala i le Ki.
O le afiafi o le Aso Faraile na tuanai atu na aofia potopoto ai aiga na lua uo ma lana Ekalesia e momoli lapalapa o malo mo le 21 o le afafine ia Nafu. E iai luitau o le olaga ae o le tulivae o mātua ma talosaga a aiga ua aulia ma le manuia ai lou Aso Fanau.
Nafu o oe o se teine usitai ma tausaafia, ia e faasilisili le Atua i ou ala uma ma ia tumau lou alofa ma le faaaloalo. Alofaaga mai ou mātua pele, uso ma ou tuagane, aemaise ou aiga uma i Melepone.