Faamanatu i leoleo fou aua le tatia‘ia faila

Le vasega fou o alii ma tamaitai leoleo ua faauu ina ua mae‘a le 16 vaiaso sa aooga ai i le tulafono ma isi vaega e ao ona latou silafia i le galuega o le faamalosia ma le puipuia o le tulafono
Le vasega fou o alii ma tamaitai leoleo ua faauu ina ua mae‘a le 16 vaiaso sa aooga ai i le tulafono ma isi vaega e ao ona latou silafia i le galuega o le faamalosia ma le puipuia o le tulafono

O le Malu o le Malo o le faalagiga lea o alii ma tamaitai leoleo auā oi latou e malu ai le Malo ma le atunuu.

Na toe faamamafa lea faalagiga e le taitai o le Malo le afioga i le Palemia susuga Tuilaepa Lupesoliai Sailele Malielegaoi, ina ua saunoa i le faauuga o alii ma tamaitai leoleo fou e to‘a 64 e aofia ai leoleo e toalima mai le motu o Tokelau.

I le saunoaga a le Palemia na ia faafetaia ai le galuega a leoleo auā e lē faigofie. Peitai na faaalia e Tuilaepa e avea lava nisi o sasi mai se toatasi pe toalua e vaemanu‘a ai le galuega ma ta‘uleagaina ai le galuega lelei o loo faia e le Malu o le Malo.

O nisi o sasi sa toe faamanatu e le Palemia i le vasega fou o Malu o le Malo o le lē faamaoni i le faatinoga o le tiute ua tauto ai. Na faaalia e Tuilaepa o le tia‘i o faila o moliaga o faasolitulafono, o se tasi lea o uiga lē lelei auā ua lē tausisia ai le autu o le galuega a le leoleo o le finauina o se solitulafono ae ua tia‘i se faila ona o le manao e faasao se tagata solitulafono.

O tausaga ua mavae sa aliali mai ai lenei tulaga ma ua faamalolo ai le tautua a nisi o leoleo. O nisi foi ua laki na mafai ona tuua le atunuu ma malaga i fafo a o lei aliali mai i fafo ni gaioiga faaalatua poo faiga piopio i le faatinoga o o latou tiute.

O le faauuga o leoleo fou na faaalia e le Komesina o le Matagaluega i lana lipoti e to‘a 73 na filifilia mai ia i latou na talosaga atu e fia avea ma leoleo. Peitai na mae‘a ane le filifiliga faaiu e na o le to‘a 65 na mafai ona agavaa mo le faaauauina o le aoaoga e avea ai ma Malu o le Malo.

O le isi toatasi o se alii na aafia i se manu‘aga tuga i se faalavelave ma ua lē mafai ai mae‘a le aoaoga. Sa tutulai le mamalu oi latou na auai mo se minute e tasi e faaalia ai le faaaloalo i lea sui o le vasega fou ona o manu‘aga ua aafia ai i se faalavelave na tupu i le taimi ua ia tuua le a’oga.

O i latou nei e to‘a 64 ua faaiuina ma le manuia le aoaoga e 16 vaiaso ma ua avea nei ma leoleo o le Malo e aofia ai ma le toalima o leoleo mai Tokelau o le a taliu mo le faia o le galuega i lo latou atunuu.

• Constable Alatina Simati

• Constable Alesana Makisi

• Constable Andrew Peter Walsh

• Constable Ane Tusipepa

• Constablgge Annalieze Lene

• Constable Douglas Niuula

• Constable Easter Siologa

• Constable Elia Masoe

• Constable Faamaoni Reuelu

• Constable Faamoana Va

• Constable Falaniko Iosefo

• Constable Greg Peniamina

• Constable Hofeni Ah Kee

• Constable Ioane Iosefo

• Constable Ioane Nuutuli

• Constable Iosua Fiva

• Constable Isaac Faletutulu

• Constable Itagia Sianava

• Constable Jameskokimark Gray

• Constable Jess Silafaga

• Constable Jim Thomas Ah Tong

• Constable Johnson Lagaia

• Const.    Jordan Von Heiderbrandt

• Constable Joseph Faasega

• Constable Koralisa Uili Letele

• Constable Laina Salamo

• Constable Liua Lam Cheung

• Constable Logonaitaga Taito

• Constable Lorenese Ronnie Fiso

• Constable Lotaua Enoka

• Constable Luapule Leaupepe

• Constable Lui Tuugamusu

• Constable Maluimaauga Talavou

• Constable Manila Pulusila

• Constable Michael Ualei

• Constable Milo Christopher Asi

• Constable Misikopa Ioane

• Constable Murphy Siupolu

• Constable Olevia Luki

• Constable Oliver Langkilde

• Constable Rachael Tafunaina

• Constable Ramona Taivale

• Constable Richard Moon Heather

• Constable Ropati Lima

• Constable Saili Maia Iosia

• Constable Samuel Vailopa

• Constable Sanita Mauigoa

• Constable Saufoi Samuelu

• Constable Siamani Solovi

• Constable Steven Tonumaipea

• Constable Sui Tumailagi Faati

• Constable Tagi Patau

• Constable Tapasu Tuala

• Constable Tasi Asia

• Constable Tauleia Alaimalo

• Constable Teresa Kanela

• Constable Toaiva Palenapa

• Constable Toetu Sooaemalelagi

• Constable Tony Matuu Urich

• Constable Tuaupua Taataai

• Constable Tyrone Mamaia

• Constable Vaitupu Asema

• Constable Victoria Leota

• Constable Viliamu Ioapo