Ua agatonu ma alagatatau ona faasilisiliina pea le viiga ma le faamanū e faaneeneeina ai le alofa ma le agalelei lē faatuaoia o le Atua le Tamā, le Atua Soifua o lē e malie ai manao ma māmā ai avega i soo se taimi ma soo se aso o le olaga o faafitauli ma faigata.
Lo‘u agaga e, ia faamanū atu i le Atua, ia faafetaia lona Suafa Paia ina ua aulia manuia mai e lau afioga Saveasoi Piki Tafiti le 70 tausaga o lou soifua.
O le fiafiaga sili ona e ui lava ina o loo faafeagai oe ma mafatiaga o le tino i gasegase, ae o loo vaaia lava ma maitauina lou soifua finafinau e tali ai faigata ma tiga o ma‘i o loo e tauiviina.
O le Atua lava le tali ma le ala mai o lana faamalologa paia e ala i le tatalo ma faatauanau atu i lona alofa faamalolo ina ia saga maua atili pea e oe le malosi ma le manuia e mafuta ai pea ma tina ma le nofoialo.
Ia alofagia lou soifua auauna i soo se mea ua faaaogāina ai lou soifua e le Atua, ia e maua pea le malosi ma ia faamaloloina pea oe e le Atua. Manuia tele lou 70 tausaga Tamā Saveasoi Piki Tafiti!
Alofaaga ma faamanuiaga mo oe mai ou aiga uma lava i soo se vaega o le kelope, moomooga alofa mai lou faletua Vineta S. Tafiti aemaise o nai ou alo uma ma fanau a au fanau. Happy Birthday!
