Faamanatu 70 tausaga Aso Soifua o le Tofā Veletaloola Kaleopa

E tupu olaola le tagata amiotonu e pei o le pama; e tupu tele e pei o le arasi i Lepanona. (Salamo 92:12)
O fiafiaga sili i o matou loto ma agaga ona ua mafai ona matou faamanatuina faatasi ma oe tamā, Tofā Veletaloola Kaleopa – Matatufu & Salani Falealili & Kilipati le atoaga o lou 70 tausaga a o maua pea e oe le malosi ma le soifua manuia.

O la matou tatalo i le Atua ia saga tulu‘i pea ma faaopoopo nisi tausaga se tele o lou soifua tatou te mafuta ai pea i lenei olaga lē tumau.

Manuia tele lou aso soifua sa faamanatuina i le Aso Toonai, aso 29 o Me i Richlands. Alofaaga ma faamanuiaga e lē mavae mo oe Veletaloola Kaleopa e auina atu i si au manamea, le Afioga Samalaulu Penina Fēilu‘ivao Kaleopa (Faleatiu & Laulii) faapea le nofoaalo. Alolofa tele atu foi le mafutaga a le Aiga Samoa atoa uma i Logan.

O le taitai o le sauniga o Peresitene Hakula Siakisini ma le susuga ia Farao, o le Fesoasoani Lua i le Aiga Samoa i Logan ma o la aiga, aemaise alofaaga mai ia Alalatoa Emani Kaleopa ma le aiga mai Sydney, Uo Alalatoa Brown ma le aiga, faapea le tele o ou aiga uma ma uo i Samoa, Niu Sila ma Ausetalia nei.