Ua tele nei aso ma tausaga ua agalelei ai le Atua i le tina ia Pepe Usuivao Tagaloasa Seualuga, ua atoa ai lona 65 tausaga pei ona sa faamanatuina i le faaiuga o le vaiaso. Leitioa a faatusaina tina i se fugalaau manogi e matala i le taeao, e pua‘ina le sasala o lona manogi i le agi mālū mai o le savili.
O se faamanuiaga foi lea i aiga, uo ma ē masani o le tina ia Pepe, le molimauina o le faamanatuina o lona aso soifua i le Aso Toonai e pei ona faia i le Buffet King i Manukau. O se faatasiga matagofie ma le fiafia, e pei ona molimau si ana fanau, o ia o se tina e pele tele ia te ia ma o se paaga masani a le Radio Samoa i aso taitasi. Ia alofa pea le Atua ma saga tulu‘i nisi tausaga se tele faapenei i le soifuaga o le tina, ina ia mafuta ai pea ma le aiga ma le fanau, aemaise le faaauauina o ona tiute i totonu o le aiga, ekalesia ma nuu. Ia manuia tele le atoaga o lou 65 tausaga Pepe Usuivao Tagaloasa Seualuga! Alofaaga e lē mavae mai lou aiga atoa, si au fanau, uo ma ē masani. Happy 65th birthday Pepe!
