Faafetai le Atua i lou alofa faasoa i si o matou aiga, e ui ina ua faiilagi le tuligasi‘a a si o matou tamā, ae o le alofa faitama o si o matou tina, ua lava lea mo matou le fanau e molimau i galuega mamana a ou aao, tausaga e tele ua foai e auauna atu ai mo lau afio ma osi taulaga i ona tiute o le tina alofa ua sasaa uma lona ola mo i matou ma nai a matou fanau.
Faafetai mai le ta‘ele o o matou agaga Mum, o mea uma ua i o matou lima na maua mai ia te oe. O la matou faatoga momoli i le Atua, ia faafualoa lou soifua mo la tatou mafutaga aemaise o nai a matou fanau.
Moomooga alofa mo oe si o matou tina peleina. Manuia lou aso soifua! Alofaaga o Atapana ma Tusi ma le fanau, Uluiva ma Victor ma le fanau, Taetuli ma Momoe ma le fanau, Vili ma Tarn ma le fanau, Joe, Nisi ma Mone ma le fanau, Bobby ma Sarah ma le fanau, ou aiga uma i Samoa, Niu Sila ma Ausetalia.
