I le mae‘a ai o sauniga paia o le Sapati i le Aso Sa na tuanai atu, ona aofia potopoto lea o nai o la alo ma a latou fanau i le malu o taumafataga (Reception) i Roxburg Park, faatasi ma nisi o tauaiga ma uo e sii faatasi le viiga ma fiafia faatasi i le faamanatuina o le Aso Soifua o si o latou tina, o le tina foi lea o le galuega le faletua ia Olevia Unasa i le aulia ai o le 60 tausaga o lona soifua.
Mai le taele o o matou agaga, matou te vivii ma faamanuina le suafa manumalo o Iesu Keriso, ona o oe si o matou tina faapelepeleina. O lou alofa ma lau tausiga ua o ni meaalofa sili mai ia te ia, o lou lē faalogologo tiga ma lou tulivae i au tatalo mo i mataou, ua o matou manuia ai.
Faafetai, faafetai tele Mum, o la matou tatalo ia alofagia lou soifua e Keriso ma faaopoopo nisi tausaga se tele mo la tatou mafutaga. E lē lava a matou upu e taui ai lou alofa ae matou te alolofa tele mo oe.
Alofaaga mai si au fanau pele ma a matou fanau, si o matou tamā Ps Apouani, aemaise o si au fanau faaleagaga i lau ekalesia pele. Manuia lou Aso Soifua Mum. Happy Birthday Grandma we love you.
