O le Richlands Hotel na faataunuuina ai le faamanatuina o le 21 tausaga o le tamaitai o Danisha Emeroncianna Pogai i le afiafi o le Aso Lua, aso 29 o Iulai. O ona mātua o si ona tamā ia Sio Pogai mai Afega & Leauvaa faapea si ona tina o Mua Pogai o Nuusuatia, Vaiusu, Mesepa Tutuila.
Sa matagofie lea aso a o molimauina e ona aiga ma uo faapea le susuga i le faafeagaiga ia Pr Johnny Siofele ma le faletua ia Fitulua, Faafeagaiga ia Foa Fanoloa ma le faletua ia Merry Vaeluaga, susuga i toeaiina ia Luma, Vaetoeifaga Lesa faapea Maiava Suimai Tui ma le toatele o le ekalesia, uo, paaga masani ma aiga faapea le ekalesia SISDAC.
O faamanuiaga ma alofaaga mo oe Danisha, mai ou mātua ia Mua ma Sio Pogai, ma ou tuagane faapea Lisi ma Pa‘ia ma le nofoaalo ma ou aiga uma ma lau ekalesia SISDAC.
